ဦးမြအေး၊ မင်းသားလူမင်း၊ ဒါရိုက်တာ မင်းထင်ကိုကိုကြီးတို့ အင်းစိန်ထောင်မှာရှိနေ
ဖေဖော်ဝါရီ ၁ ရက် နေ့က စစ်အာဏာသိမ်းပြီးနောက် အဖမ်းခံရသူတွေထဲမှာ နိုင်ငံတော်အတိုင်ပင်ခံပုဂ္ဂိုလ်၊ သမ္မတနဲ့အစိုးရ ဝန်ကြီးတွေ အပြင် ထင်ရှားတဲ့နိုင်ငံရေးသမားတွေ ၊ စာရေးဆရာတွေ၊ သတင်းမီဒီယာသမားတွေနဲ့ ရုပ်ရှင်သရုပ်ဆောင်တွေ ပါဝင်ပါတယ်။
အင်းစိန်ထောင်ထဲမှာ ဖမ်းဆီးခံထားရသူအများ အပြားရှိပြီး ဦးမြအေး၊ မင်းသားလူမင်း၊ သာသနာရေးဝန်ကြီး သူရဦးအောင်ကို ၊ ဒါရိုက်တာ မင်းထင်ကိုကိုကြီး တို့လည်း ရှိနေပါတယ်။
ထောင်ထဲမှာ သူတို့နဲ့ စကားပြောခွင့်ရသူတစ်ယောက်ကတော့ ဒေါင်းတို့မျိုးဆက်သံချပ်အဖွဲ့ တည်ထောင်သူ တက္ကသိုလ်ကျောင်းသားများ သမဂ္ဂ ခေါင်းဆောင်ဟောင်း ကိုဇေယျာလွင်ပါ။
၂၀၁၉ခုနှစ်က တပ်မတော်အကြည်ညိုပျက်စေမှု နဲ့ တရားစွဲဆို ခံရပြီး ထောင်ကျခဲ့တဲ့ ကိုဇေယျာလွင်ဟာ ပြီးခဲ့တဲ့ မြန်မာနှစ်ဆန်းတစ်ရက်နေ့က မှ လွတ်ငြိမ်း ချမ်းသာခွင့်နဲ့ပြန်လည်လွတ်မြောက်လာတာဖြစ်ပါတယ်။
ထောင်ထဲမှာ အဖမ်းခံထားရတဲ့ အဲဒီလူတွေရဲ့ ကျန်းမာရေးအခြေအနေနဲ့ ဘာတွေ ပြောဖြစ်ခဲ့ကြသလဲ ဆိုတာ မညိုလဲ့ရည်က ကိုဇေယျာလွင်ကိုမေးကြည့်ထားပါတယ်။