Azərbaycan

Region

Beynəlxalq

Sağlamlıq

Sizin hekayələriniz

Xəbərlər

Video

İzləyin

Azeri

BBC Azərbaycancanın Bakı sakinləri arasında apardığı sorğuda onlar daha çox Masazır, Xırdalan və Sumqayıt istiqamətində metroya ehtiyac olduğunu bildiriblər.

"Xırdalan, Masazır, Sumqayıta metro çəkilsin", Bakı sakinləri

Zəngəzur dəhlizi Azərbaycanla Naxçıvanı birləşdirəcək, eyni zamanda Türkiyə ilə birbaşa əlaqəni nəzərdə tutan layihədir. Bu layihəni həyata keçirmək nə qədər asan olacaq?

Azərbaycan Prezidenti Zəngəzur dəhlizinin açılacağını bəyan edib

Rəqəmsal inkişaf və nəqliyyat naziri Rəşad Nəbiyev deyib ki, Azərbaycan araşdırmanın ilkin nəticələri əsasında hesab edir ki, təyyarənin Aktauda qəzaya uğramasına səbəb "kənar müdaxilə"dir və istintaq və silahın növünü araşdırır.

Təyyarə qəzası: Azərbaycan təyyarəyə "kənar müdaxilə" olduğunu deyir və silahın növünü araşdırır

Azərbaycan Hava Yollarına məxsus təyyarənin Qazaxıstanda qəzaya uğramasından üç gün keçməsinə baxmayaraq, hələ də aydınlaşdırlması vacib olan bir neçə mühüm hal var.

Qazaxıstanda AZAL-a məxsus təyyarə qəzası: Hələlik cavabsız suallar 

Bakı sakini İqor Kşnyakin Aktauda Azalın qəzaya uğrayan təyyarəsinin iki pilotundan biri olub. O, həmkarı Aleksandr Kalyaninov və bələdçi Hökumə Əliyeva bu qəzada həlak olublar.
İnsanlar İqor Kşnyakinin mənzilinin binası önünə gül-çiçək gətirərək, ona ehtiramlarını bildirirlər.

Təyyarə qəzası: Azərbaycanda pilotların qəhrəmanlığı anılır

Çümə axşamı günü hakimiyyətə yaxın mənbələrdə AZAL təyyarəsinin Rusiya səması üzərində vurulması iddiaları səsləndikdən sonra bu, yerli medianın əsas müzakirə mövzusu  olub.

"Rusiya üzr istəməlidir" - Azərbaycanda təzyiqlər artır

Çərşənbə günü AZAL-ın Bakı-Qroznı reysi üzrə uçan sərnişin təyyarəsi Qazaxıstanın Aktau şəhəri yaxınlığında qəzaya uğrayıb. Azı 30 nəfərin öldüyü qəzadan 29 nəfərin sağ çıxdığı bildirilib. Qəza vaxtı təyyarədə olan şəxslərin yaxınları BBC-yə danışıblar. 

Təyyarə qəzası: "Qardaşım Qroznıda fəhləlik edirdi"

Qəzaya uğrayan Bakı-Qroznı sərnişin təyyarəsinə görə Azərbaycanda matəm elan olunub

Bir həftə sonra Bakıda keçiriləcək COP29 tədbiri vaxtı Bakıya girişdə polis postları qurulacaq, nəqliyyata məhdudiyyətlər tətbiq ediləcək, bəzi küçələr və prospektlərdə hərəkətin istiqaməti dəyişdiriləcək.

COP29 müddətində Bakıda nəqliyyat: şəhərə girişdə və bəzi küçələrdə məhdudiyyətlər olacaq

Ermənistandan keçməklə Naxçıvanla Azərbaycanı birləşdirəcək quru yolu Bakı Zəngəzur dəhlizi adlandırır. Bakı tələb edir ki, Yerevan ona maneəsiz keçid versin və yola Rusiya nəzarət etsin. Moskva da bunu istəyir. Yerevan isə bunun əlyehinədir.

İran “Zəngəzur dəhlizi”ni özünün “qırmızı xətti” sayır

Astaranın Səlivə kəndində hər il onlarla məktəbli təhsil almaq üçün qonşu kəndə gedir.

Astaralı qız: "Bizə baxıb gülürlər. Utanırıq"

Dağlıq Qarabağda hərbi əməliyyatlar başa çatdıqdan sonra Ermənistan təhlükəsizlik vəziyyəti ilə bağlı ciddi problemlə üzləşib. Yerevan hesab edir ki, “əsas tərəfdaşı” Rusiya üzərinə götürdüyü sülhməramlı funksiyaları yerinə yetirmir - daha ona “bel bağlamaq olmaz” və Qərbdə yardım axtarır.

Ermənistan Rusiyadan nə qədər asılıdır?

Bu gün Tbilisi İpək Yolu Forumunda Ermənistan baş naziri Nikol Paşinyan Qafqazda komunikasiya əlaqələrini bərpa edəcəyini dediyi özünün “Sülh Qovşağı” adını verdiyi layihəsini də açıqlayıb və xəritə nümayiş etdirib. 

Azərbaycan-Ermənistan-Gürcüstan üçtərəfli görüşü: Ermənistan Azərbaycan qazını almağa "hazır olduğunu" bildirib

Bir neçə gündür Azərbaycanın bölgələrində davam edən yağışlardan sonra fərqli bölgələrdə yaşayış yerlərinə sel gəlib. Selə görə, Astaranın 40 kəndinin rayon mərkəziylə nəqliyyat əlaqəsi kəsilib, bəzi yerlərdə körpülər dağılıb və ya torpaq sürüşməsi yolu bağlayıb.

Astarada sel: 40-a yaxın ailə evlərindən köçürülüb

Bazar ertəsi Beynəlxalq Qızıl Xaç Komitəsi Laçın və Ağdam yolları ilə Qarabağ erməniləri üçün Xankəndiyə iki yük maşını yardım aparıb.
Bu, iyunun ortalarından bəri yükdaşımaları üçün bağlanmış Laçın sərhəd-keçid məntəqəsindən ilk yükdaşımadır. 

Beynəlxalq Qızıl Xaç Komitəsi Laçın və Ağdam yolları ilə Xankəndiyə yardım aparıb 

2021-ci ildə Füzuli, 2022-ci ildə Zəngilan hava limanları açılsa da hələ ki, heç biri nə yerli, nə də beynəlxalq uşuşlarda istifadə olunmur.  İşğaldan azad olunmuş ərazilərdə tikilən aeroportların hansı şirkətlər tərəfindən tikildiyi və onların hansı tenderləin qalibi olduğu ilə bağlı rəsmi məlumat yoxdur.

Qarabağın və Şərqi Zəngəzurun “Ağ fil layihələri": Füzuli, Zəngilan, Laçın hava limanları 

Rusiyanın Ukraynaya hücumundan sonra bu ölkədə yaşayan bir çox azərbaycanlı qonşu dövlətə atılan raketlərin od-alovundan uzaq olsa da, bir müddət əvvəl aparılmış qismən hərbi səfərbərlik bir çoxunda həyəcan, qorxu yaratmışdı. Hətta evini satıb Rusiyadan köçənlər də olub, burda yaşayan azərbaycanlılar BBC Azərbaycanca ilə müşahidələrini bölüşərkən deyiblər.

Ukrayna müharibəsinin bir ilində Rusiyadakı azərbaycanlıların qayğıları: bahalıq, səfərbərlik, zəif ticarət

Könül Xəlilova həftə ərzində baş vermiş hadisələri təhlil edir.

Həyəcan təbili: Azərbaycan və Ermənistan müharibə riski ilə üz-üzə, İran-Azərbaycan gərginliyi

İsmayıllının Vəng kəndinin sakinləri sosial problemlərdən "cana doyduqlarını" deyirlər. Sakinlər bildirir ki, kəndin yolu o qədər bərbaddır ki, təcili yardım maşını belə, Vəngə gəlib çata bilmir. Bunun nəticəsində isə son illərdə 4 nəfər kənd sakini sadəcə təzyiq xəstəliyindən dünyasını dəyişib.

"Yolumuzun pulunu yemisiniz. Qorxmuram!", İsmayıllının qəzəbli sakinləri

Ötən həftə Özbəkistanda keçirilmiş Şanxay Əməkdaşlıq Təşkilatına Azərbaycan da qonaq kimi qatılıb. Bəs ŞƏT-in xüsusiyyətləri nədir? Hansı məqsədlərlə yaradılıb?

4 sualda Şanxay Əməkdaşlıq Təşkilatı

İyulun 3-də gecə saat 01:00 radələrində Zaqatalanın kəndlərində yağan güclü leysan sakinlərin təsərrüfatına ziyan vurub.  Muxaxçayın daşması nəticəsində Gürcüstan-Zaqatala-Yevlax yolunun Lahıc kəndi ərazisindən keçən hissəsi  müvəqqəti olaraq bağlanıb. Rayonun icra hakimiyyətindən BBC News Azərbaycancaya bildiriblər ki,  magistral yolunda təmizləmə işləri aparılıb və hazırda yol açıqdır. Bəzi sakinlər BBC-yə  onlara dəyən zərərlə bağlı araşdırma aparılmadığını bildirib. Lakin icra hakimiyyətindən bildiriblər ki, hazırda fövqəladə vəziyyətlə bağlı yaradılan komissiya kənd sakinlərinə dəyən ziyanı hesablayır. İyulun 4-də günorta saatlarında kənd sakinlərinin verdiyi məlumata görə gecədən yağan güclü yağış hələ də davam edir. 

Zaqatalada sel: "Həyətimiz, fındıq bağlarımız, evlərin altının bir hissəsi suyun altında qalıb"

97 faiz beynəlxalq uçuşları Bakıdan olan Azərbaycan daha 2 regional hava limanı tikir. Bunlar Zəngilan və Laçında olacaq və ümimi ölkə üzrə beynəlxalq hava limanlarının sayı doqquça çatacaq. Hakimiyyət təmsilçiləri turizm məqsədiylə hava limanları tikdiklərini desələr də faktiki bütün gücü ilə işləyən ancaq Bakı aeroportudur. 

BBC araşdırması: Zaqatala, Lənkəran, Qəbələ beynəlxalq hava limanları niyə işləmir? 

Nazirlər Kabinetinin Covid-19 pandemiyası ilə əlaqədar xüsusi karantin rejimini uzatması və quru sərhədlərini bağlı saxlaması qərarı ÜST rəsmisinin Azərbaycanda pandemiya ilə bağlı “vəziyyət yaxşıdır” açıqlamasından sonra verildi. Hakimiyyət tənqidçiləri xüsusi karantin rejiminin daha iki ay uzadılmasını və quru sərhədlərin bağlı saxlanmasını “siyasi qərar” kimi xarakterizə edirlər. 

Azərbaycan: quru sərhədlərin açılmaması siyasi qərardırmı? 

Naxçıvana təyyarə reyslərinə bilet almaq istəyənlər bilet ala bilmədiklərindən şikayətçidirlər. Onlar deyirlər ki, quru sərhədlər bağlı olduğundan Naxçıvanı Türkiyəyə tranzit kimi istifadə edənlərin sayı artıb. 

Nəqliyyat