Pandemiya dövründə Qurban bayramı: Ayasofyadan Heydər məscidinə kimi - şəkillər

Çap edildi 1 Avqust 2020

Dünya boyunca müsəlmanlar Qurban bayramını qeyd edirlər. Bu il koronavirus pandemiyasına görə dini tədbirlərməhdudiyyətlərlə müşayiət olunur.

Azərbaycanda Qafqaz Müsəlmanları İdarəsinin qərarına əsasən, insanlar bayram namazını öz evlərində qılıblar. Bakının Heydər məscidində keçirilən mərasimə cəmi bir neçə nəfərin qatıldığını görmək olar.

Fələstinlilər Qurban bayramında Qüdsdəki (Yerusəlim) əl-Həram əş-Şərif məscidinə toplaşır.

Bir çox ölkədə olduğu kimi burada da sosial məsafə və maska taxmaq qərarı qüvvədədir.

İndoneziyalı müsəlmanlar Mərkəzi Yava bölgəsindəki məscidə toplaşıblar.

Təxminən 237 milyon əhalisi olan ölkədə, pandemiyanın başlanğıcından bəri 106 mindən çox koronavirus infeksiyası aşkar edilib və Covid-19 5 mindən çox insanın ölümünə bais olub.

Somalinin paytaxtı Moqadişoda sakinlərə bayram namazı üçün yerli universitetin futbol stadionu ayrılıb.

Bəzi məlumatlara görə, bu il Həcc ziyarətinin ləğvinə görə, Səudiyyə Ərəbistanına mal-qara ixrac edənlər itkilərlə üzləşib.

Skip Ən çox oxunan and continue reading

Ən çox oxunan

End of Ən çox oxunan

Geniş müsəlman icmasına sahib olan Britaniyadakı Bradford şəhərinin məscidində sosial məsafə də daxil, koronovirus əleyhinə tədbirlər tətbiq olunub.

Sarayevoda müsəlmanlar maskalarda namaz qılır. Onlar bir-birlərindən tələb olunan məsafə saxlamalıdırlar.

Johns Hopkins Universitetinin məlumatına görə, Bosniya və Herseqovinada Covid-19-dan 328 ölüb.

Əfqanıstanda koronavirus təhlükəsi ilə yanaşı, terror hücumları hədəsi də aktual qalır. Buna görə də ibadətə gələnləri təhlükəsizlik qüvvələri mühafizə edir.

Cəlalabad məscidinin önündə əli silahlı keşikçini görmək olar.

Bu il koronavirus pandemiyasına görə, Moskvadakı Cümə məscidində namaz qılanların sayı çox olmayıb. Fotoşəkildə göründüyü kimi, bu ilki ibadətdə geniş dindar kütləsi iştirak etməyib. Xidmət televiziya ilə yayımlanıb.