በኢትዮጵያ ኮሮናቫይረስ በተገኘ በሁለተኛው ወሩ ከፍተኛ ቁጥር ያለው ምርመራ ተደረገ

የቀጥታ ሽፋን

1. 12 ግንቦት 2020አንድ ሺህ የሚጠጉ አፍሪካዊያን የጤና ባለሙያዎች በቫይረሱ ተይዘዋል ተባለ

   

   የፎቶው ባለመብት, Getty Images

   የአለም ጤና ድርጅት በትዊተር ገፁ እንዳሰፈረው በአፍሪካ ውስጥ ወደ አንድ ሺህ የሚጠጉ የጤና ባለሙያዎች በኮሮናቫይረስ ተይዘዋል ብሏል።

   ድርጅቱ በተጨማሪም የአፍሪካ መንግሥታት ለነርሶችና ዶክተሮች የመከላከያ ቁሳቁሶች እንዲያሟሉ ጥሪ አቅርቧል።

   ከኮሮና ህሙማን ጋር ንክኪ የሚኖራቸው የህክምና ባለሙያዎች ራሳቸውን የሚከላከሉበት የህክምና ቁሳቁሶችን መሟላታቸውን መንግሥታት እርግጠኛ መሆን አንዳለባቸውም አፅንኦት ሰጥቷል።

   በተለይም ከህሙማኑ ምራቅ ናሙና ጋር ንክኪ ያላቸው የላብራቶሪ ሰራተኞችም ሆኑ ዶክተሮች ደረጃውን የጠበቀ መከላከያ ያስፈልጋቸዋልም ተብሏል። ከዚህም ውስጥ በውስጡ መተንፈሻ የተገጠመለት ፊታቸውን ሙሉ በሙሉ የሚሸፍን ጭምብልና ቶሎ ቶሎ መቀየር የሚችሉ ጋወኖች ይገኙበታል ።

   የ X ይዘትን ይለፉት

   ይዘቱን X ይፈቅዳሉ?

   ይህ ጽሑፍ በX. የቀረበ ይዘት ይዟል። ገጹ ቴክኖሎጂዎች ወይም ኩኪዎች ሊኖረው ስለሚችል ገጹ ከመከፈቱ በፊት የእርስዎን ፍቃድ እንጠይቃለን። ፍቃድዎን ከመስጠትዎ በፊት የX ኩኪ ፖሊሲ እና የ ማንበብ ይፈልጉ ይሆናል። ይዘቱን ለማንበብ ‘እቀበላለሁ ቀጥል’ የሚለውን ይምረጡ።

   Accept and continue

   ማሳሰቢያ: በሌሎች ገጾች ላይ ላሉ ይዘቶች ቢቢሲ ኃላፊነት አይወስድም።

   የ X ይዘት መጨረሻ

2. 12 ግንቦት 2020ሊባኖስ ለተከታታይ አምስት ቀን ማንም ሰው ከቤቱ እንዳይወጣ አዘዘች

   

   የፎቶው ባለመብት, GETTY IMAGES

   በሊባኖስ በኮሮናቫይረስ የተያዙ ሰዎች ቁጥር በከፍተኛ ሁኔታ እየጨመረ መምጣቱን ተከትሎ ሙሉ በሙሉ የእንቅስቃሴ ገደብ ተጣለ።

   የተጣለው የሰዓት እላፊ ከነገ ምሽት ጀምሮ ተግባራዊ የሚሆን ሲሆን እስከ ሰኞ ማለዳ ድረስ ይቆያል ተብሏል።

   ከዚህ ቀደም የተጣለው የእንቅስቃሴ ገደብ ከተነሳ በኋላ ለአንድ ወር ያህል በቫይረሱ የሚያዙ ሰዎች ቁጥር እየጨመረ መጥቷል።

   ዜጎች " ቤታቸው መቀመጥ አለባቸው አስቸኳይ ጉዳይ ካልገጠማቸው በስተቀር ወደ የትም መሄድ የለባቸውም" ያሉት የአገሪቱ የማስታወቂያ ሚኒስቴር ማናል አብደል ሳማድ ናቸው።

   ጠቅላይ ሚኒስትር ሃሰን ዲያብ በበኩላቸው፣ ባለፉት አራት ቀናት ብቻ 100 ሰዎች በቫይረሱ መያዛቸውን ገልፀዋል።

   መንግሥት አካላዊ ርቀትን መጠበቅ ላይ ያወጣውን መመሪያ ተግባራዊ የማያደርጉ ሰዎችንም " ግዴለሽና ሃላፊነት የጎደላቸው" በማለት ወርፈዋቸዋል።

   እንደ ጆንስ ሆፕኪንስ ዩኒቨርስቲ መረጃ ከሆነ በአገሪቱ 870 ሰዎች በቫይረሱ መያዛቸው ሲረጋገጥ ከእነዚህም መካከል 26 ሰዎች መሞታቸው ተገልጿል።

   በሊባኖስ ተጥሎ የነበረው የእንቅስቃሴ ገደብ ከተነሳ በኋላ የአካላዊ ርቀት መጠበቅ ተግባራዊ እንዲሆን በማሳሰብ ሱቆችና የአምልኮ ስፍራዎች ተከፍተዋል። ይህ የሆነው ከሁለት ወራት በኋላ ለመጀመሪያ ጊዜ ነው ተብሏል።

   በቫይረሱ የተያዙ አዳዲስ ሰዎች የተገኙት በአብዛኛው ከአገር ውጪ የነበሩ ሊባኖሳውያን በመመለሳቸው መሆኑ ተገልጿል።

   ከአምስት ቀናት በፊት ከናይጄሪያ፣ ሌጎስ የመጡ ሁሉም ተሳፋሪዎች ቫይረሱ እንደተገኘባቸው የአገሪቱ ጤና ሚኒስትር አስታውቆ ነበር።

   የእንቅስቃሴ ገደቡ ከተነሳ በኋላ ዜጎች በመገበያያ ስፍራዎች አካላዊ ርቀታቸውን ሳይጠብቁ ሲገበያዩ የታዩ ሲሆን፣ በአውራ ጎዳናዎችም ላይ ከተጠበቀው በላይ በርካታ ሰዎች ወጥተዋል።

   በሊባኖስ ተጥሎ የነበረው የእንቅስቃሴ ገደብ እየወደቀ የነበረው የአገሪቱ ምጣኔ ሃብትን ይበልጥ አባብሶታል ሲሉ አስተያየት ሰጪዎች ይናገራሉ።

3. 12 ግንቦት 2020በምስራቅ አፍሪካ የከባድ መኪና አሽከርካሪዎች እንቅስቃሴያቸውን የሚከታተል መሳሪያ ለመጠቀም ተስማሙ

   

   የፎቶው ባለመብት, AFP

   የምስራቅ አፍሪካ አገራት መሪዎች በቀጠናው ያለውን የኮሮናቫይረስ ስርጭትን ለመግታት የከባድ ጭነት መኪና አሽከርካሪዎች የእንቅስቃሴ መከታተያን ለመጠቀም ተስማሙ።

   ውሳኔ ላይ የተደረሰው በአገራቱ ድንበር አካባቢ በተደረገው የኮቪድ-19 ምርመራ ድንበር ተሻጋሪ የከባድ መኪና አሽከርካሪዎች በከፍተኛ ቁጥር በኮሮናቫይረስ ተይዘው መገኘታቸውን ተከትሎ ነው።

   መሪዎቹ በጋራ ባወጡት መግለጫ " በአገራቱ መካከል መረጃ መለዋወጥ የኮቪድ-19 ወረርሽኝን በመግታት ረገድ ያለውን ቁልፍ ሚና ተረድተናል" ይላል።

   እስካሁን ድረስ የአገራቱን ድንበር የሚያቋርጡ የከባድ ጭነት መኪኖች እንቅስቃሴ ያልተከለከለ ሲሆን በአገራቱ መካከል እነዚህ መጓጓዣዎች ቁሳቁስ፣ ምግብና መድሃኒቶችን በማመላለስ ረገድ ቁልፍ ሚና አላቸው ተብሏል።

   ባለፈው ወር የኡጋንዳው ፕሬዝዳንት ዩዌሪ ሙሴቪኒ የከባድ መኪና ሹፌሮች ወደ አገራቸው እንዳይገቡ የሚለውን ሃሳብ ውድቅ አድርገውት ነበር።

   " ጭነቶቹን፤፤ ቁሳቁሶቹን እንፈልጋቸዋለን። ነገር ግን በዚህ ሰዓት በሽታውን አንፈልግም. . . ስለዚህ ሹፌሮቹን አትንኳቸው፤ ሹፌሮቹም ሊነኳችሁ አይገባም" ብለው ነበር።

   የሩዋንዳ፣ ኬንያ፣ ደቡብ ሱዳን፣ እና ኡጋንዳ አገራት መሪዎች ስብሰባቸውን በቪዲዮ ያካሄዱ ሲሆን የታንዛንያ እና የብሩንዲ አቻዎቻቸው ሳይካፈሉ ቀርተዋል።

   የታንዛንያ መንግሥት ቢያስተባብልም የኮቪድ-19 ወረርሽኝ ስርጭትን በመከላከል ረገድ ጠንካራ የመከላከል ርምጃ አልወሰደም በሚል ይተቻል።

4. 12 ግንቦት 2020መጀመሪያ የተሰጠውን ምክር ቸል ያሉ አገራት አሁን እየተጎዱ ነው- የዓለም ጤና ድርጅት

   

   የፎቶው ባለመብት, Reuters

   አንዳንድ የዓለም አገራት ከሌሎቹ በከፋ ሁኔታ በኮሮናቫይረስ ወረርሽኝ ተጎድተዋል። ይህም የሆነው በቅድሚያ የተሰጠውን ማስጠንቀቂያ ቸል በማለታቸው መሆኑን የዓለም ጤና ድርጅት እየገለፀ ነው።

   አሜሪካ በድርጅቱ ላይ የምታቀርበውን ትችትና በአገሯ ቫይረሱ ያለበትን ደረጃ በመመልከት ድርጅቱ በታህሳስ ወር አጋማሽ ላይ ለሁሉም አባል አገራቱ ማስጠንቀቁን አስታውሷል፤ አክሎም በዚያው ወር መጨረሻ ላይ ዓለም አቀፍ የጤና አስቸኳይ ጊዜ ማወጁን አስታውሷል።

   በየካቲት ወርም አገራት ምርመራ እንዲያደርጉ እንዲሁም ለይቶ ማቆያ ማስገባት እንዲጀምሩ መናገሩን ገልጿል።

   የዓለም ጤና ድርጅት ቃል አቀባይ በአሜሪካ እና በብራዚል ስላለው ከፍተኛ ቁጥር ያለው ወረርሽኝ ተጠይቀው በወቅቱ የተሰጡ ማስጠንቀቂያዎች ቸል ተብለዋል ማለታቸው ተገልጿል።

   አፈ ጉባኤዋ አክለውም አንዱ ምክንያት በአውሮፓና በአሜሪካ ያሉ አገራት አዲሱ ወረርሽኝ የሚያደርሰው ጥፋትን አያስታውሱም ብለዋል።

   በአፍሪካ አስቀድሞ መከላከል የሚኖረውን ውጤት ይረዳሉ፤ ለዚያም ይሆናል በአፍሪካ አገራት አነስተኛ ቁጥር ያላቸው በቫይረሱ የተያዙ ሰዎች የተመዘገቡት ብለዋል።

5. 12 ግንቦት 2020በእንግሊዝ በኮሮናቫይረስ እየሞቱ ያሉት የትኛው የእድሜ ጎራ ያሉ ናቸው?

   

   የፎቶው ባለመብት, Getty Images

   በእንግሊዝ ውስጥ በኮሮናቫይረስ ምክንያት በሆስፒታል ውስጥ የሞቱ ሰዎች ቁጥር 23 ሺህ 709 ሲሆን ከነዚህም ውስጥ 12ሺህ 451 ወይም 53 በመቶ ከ80 አመት እድሜ በላይ ናቸው።

   ከዚህም በተጨማሪ 9ሺህ 184ቱ ወይም 39 በመቶ ከ60-79 እድሜ ጎራ ላይ ያሉ መሆኑን የሃገሪቱ ብሔራዊ ጤና አገልግሎት አስታውቋል።

   አጠቃላይ መረጃውም ሲታይ በኮቪድ19 የሚሞቱት 91 በመቶው ከስልሳ አመት በላይ እድሜ ላይ ያሉ ናቸው ተብሏል።

   ሌሎቹን አሃዝ የሚይዘው 8 በመቶ ከ40-59፣ 1 በመቶ ከ20- 39 እድሜና 0.05 በመቶ ደግሞ ከ0-19 እድሜ ላይ ያሉ ናቸው።

   በአገሪቷ ውስጥ በአጠቃላይ በቫይረሱ የሞቱ ሰዎች ቁጥር 32 ሺህ 692 ደርሷል።

6. 12 ግንቦት 2020በናይጄሪያ የካቶሊክ ቤተክርስቲያን የጤና ተቋማቶቿን በሙሉ ለለይቶ ማቆያና ማገገሚያነት ሰጠች

   

   የፎቶው ባለመብት, AFP

   የካቶሊክ ጳጳሳት ጉባዔ በአገሪቱ የሚገኙ ጤና ተቋማቶቹን በሙሉ በኮሮናቫይረስ የተያዙ ሰዎችን ለለይቶ ማቆያነትና ማከሚያነት እንዲውሉ ሰጠ።

   በናይጄሪያ የካቶሊክ የጤና ሴክረተሪያት ለቢቢሲ እንደገለፁት ቤተክርስቲያኒቱ በመላ አገሪቱ ከ440 በላይ የጤና ተቋማት ያላት ሲሆን እነዚህ ተቋማት የኮሮናቫይረስን ለመመርመር፣ ለለይቶ ማቆያና ማከሚያነት እንዲውሉ መፍቀዳቸውን አስታውቀዋል።

   ናይጄሪያ በለይቶ ማቆያ ስፍራዎች ጥበትና እጥረት እየተቸገረች ሲሆን መንግሥትም ከድርጅቶችና ከግለሰቦች ድጋፍ ጠይቆ ነበር።

   ናይጄሪያ እስከ አሁን ድረስ 4ሺህ 641 ሰዎች በኮቪድ-19 መያዛቸውን በምርመራ ያረጋገጠች ቢሆንም ከፍተኛ ቁጥር ያለው ሰው ቢመረመር ከዚህ በላይ ቫይረሱ ያለባቸው ሰዎች እንደሚገኙ የሚናገሩ አካላት አሉ።

7. 12 ግንቦት 2020የአሜሪካ የኮሮናቫይረስ መከላከል ቁልፍ ሰው የአገራቸው ጥድፊያ አደጋ አለው ሲሉ አስጠነቀቁ

   

   የፎቶው ባለመብት, Reuters

   የአሜሪካ የኮቪድ-19 ወረርሽኝ መከላከል ቁልፍ ሰው፣ ዶ/ር አንቶኒ ፋውቺ፣ የአገሪቱን ምጣኔ ሃብት በፍጥነት ወደ ስራ ማስገባት "አላስፈላጊ ስቃይና ሞት" እንደሚያስከትል ለሴናተሮች ሊያስጠነቅቁ መሆኑ ተገለፀ።

   የተላላፊ በሽታዎች ከፍተኛ ባለሙያ የሆኑት እኚህ ግለሰብ የመንግሥት መመሪያዎችን በጣሰ መልኩ በጥድፊያ የአገሪቱን ምጣኔ ሃብት ወደ ስራ እንዲገባ ማድረግ አገሪቱ ከወረርሽኙ የምታደርገውን የማገገም ጥረት ወደኋላ የሚቀለብስ ነው ብለዋል።

   ዶ/ር አንቶኒ ፋውቺ በኢሜል ለኒውዮርክ ታይምስ እንዳስታወቁት ይህንን የመከራከሪያ ሃሳባቸውን ዛሬ ለሚሰበሰበው የሴኔት ኮሚቴ ያቀርባሉ።

   " በመመሪያው ላይ የተቀመጡትን መፈተሻ ነጥቦች አሜሪካን ወደ ስራ ለማስገባት በሚል የምንዘላቸው ከሆነ በርካታ ወረርሽኞች እንዲከሰቱ በማድረግ አገሪቱን አደጋ ላይ እንጥላለን" ማለታቸውን ጋዜጣው ዘግቧል።

   እንደ ጆንስ ሆፕኪንስ ዩኒቨርስቲ መረጃ በአሜሪካ ብቻ 1.3 ሚሊዮን ሰዎች በኮቪድ-19 መያዛች የተረጋገጠ ሲሆን፣ ይህም ቁጥር ከሌሎች አገራት ስድስት እጥፍ የላቀ ነው ተብሏል።

   በአሜሪካ ብቻ በኮሮናቫይረስ ምክንያት ከ80 ሺህ በላይ ሰዎች ህይወታቸውን አጥተዋል።

8. 12 ግንቦት 2020በለንደን የባቡር ሰራተኛ አፍሪካዊት የኮሮና ህመምተኛ ከተፋባት በኋላ በቫይረሱ ተይዛ ሞተች

   

   የፎቶው ባለመብት, Family

   በለንደን የባቡር ጣብያ በቲኬት ቆራጭነት የምትሰራ አፍሪካዊት ኮቪድ-19 አለብኝ ያለ ግለሠብ ከተፋባት በኋላ በቫይረሱ ተይዛ መሞቷ ተገለፀ።

   ግለሰቧ የኮንጎ ዜግነት ያላት ስትሆን የ47 ዓመት ጎልማሳ ነበረች ተብሏል። ቤሊ ሙጂንጋ የምትባለው ይህች ሴት ከዚህ ቀደም የመተንፈሻ አካል ችግር ነበረባት ተብሏል።

   ጥቃቱ የደረሰባት በቪክቶሪያ ባቡር ጣብያ ስትሰራ ከሴት የሥራ ባልደረባዋ ጋር መሆኑ የተገለፀ ሲሆን ከጥቃቱ በኋላ ሁለቱም ሴቶች መታመማቸው ተገልጿል።

   የብሪታንያ ትራንስፖርት ፖሊስ ሠራተኞቹ ላይ የተፋውን ግለሰብ ለማግኘት ምርመራ መጀመሩን አስታውቋል።

   ቤሊ ሙጂንጋ ሕመሟ ፀንቶ ወደ ሆስፒታል በገባች በሶስተኛው ቀን ሕይወቷ ማለፉ ተገልጿል።

9. 12 ግንቦት 2020የፕሬዚዳንት ፑቲን ቃለአቀባይ በኮሮናቫይረስ ተያዙ

   

   የፎቶው ባለመብት, EPA

   የሩሲያው ፕሬዚዳንት ቭላድሚር ፑቲን ቃል አቀባይ ዲሚትሪ ፔስኮቭ ኮሮናቫይረስ እንደተገኘባቸው የአገሪቱ ሚዲያ ዘግቧል።

   ዲሚትሪ ፔስኮቭ ወደ ሞስኮ ሆስፒታልም መወሰዳቸውንም ቃለ አቀባዩን ዋቢ አድርገው ሚዲያዎቹ ዘግበዋል።

   "አዎ ታምሜያለሁ! ህክምናም እየተደረገልኝ ነው" ማለታቸውን የሩሲያው ኢንተርፋክስ ኒውስ የዜና ወኪል ዘግቧል።

   የ52 አመቱ ቃል አቀባይ ህመማቸው የጠና ይሁን አይሁን ከመናገር ተቆጥበዋል።

   ከዚህ በተጨማሪ ቃል አቀባዩ ከፕሬዚዳንት ፑቲን ጋር ለመጨረሻ ጊዜ መቼ እንደተገናኙም የተገለፀ ነገር የለም።

   ቃል አቀባዩ ከዚህ ቀደም በሞስኮ ሆስፒታል ተገኝተው ህሙማንን ከጎበኙና ዋናው ዶክተር ጋር መገናኘታውን ተከትሎ በተደረገላቸው ምርመራ ነው በቫይረሱ መያዛቸው የታወቀው።

   በኮሮናቫይረስ የተያዙ ሰዎች ቁጥርም በከፍተኛ ሁኔታ የጨመረባት ሩሲያ አሜሪካን ተከትላ በአለም ሁለተኛዋ ሆናለች።

   በዛሬው ዕለትም በባለፉት ሃያ አራት ሰአታት ውስጥ 10 ሺህ 899 ሰዎች በቫይረሱ መያዛቸውን ተከትሎ፤ በአጠቃላይ በቫይረሱ የተያዙ ሰዎች ቁጥር 232 ሺህ ደርሷል።

   መዲናዋ ሞስኮ በቫይረሱ ክፉኛ የተጠቃች ሲሆን በባለፉት ሃያ አራት ሰአታትም በቫይረሱ የተያዙ 5ሺህ ሰዎችን መዝግባለች።

10. 12 ግንቦት 2020ከጎረቤት አገራት ጋር የሚዋሰኑ ክልሎችና የኮሮና ወረርሽኝ ስጋት

11. 12 ግንቦት 2020"ምዕራባውያን ለአፍሪካ ሃገር በቀል መድኃኒቶች ንቀት አለባቸው" ሲሉ የማዳጋስካሩ ፕሬዚዳንት ተቹ

12. 12 ግንቦት 2020ዉሃን ለ11 ሚሊዮን ነዋሪዎቿ የኮቪድ-19 ምርመራ ልታደርግ ነው

13. 12 ግንቦት 2020የ "መ" ህጎች ኮቪድ-19ን ለመከላከል

    

    የፎቶው ባለመብት, Ministry of Health,Ethiopia

    ከዚህ ቀደም የኤችአይቪ ወረርሽኝ ለመከላከል በሚል ከተቀመጡ መከላከያ መንገዶች መካከል ሶስቱ የ"መ"ህጎች ይገኙበት ነበር። እነዚህ የመ ህጎች መታቀብ፣ መወሰን እንዲሁም መጠቀም ነበሩ።

    አሁን ደግሞ ለኮሮናቫይረስ ወረርሽኝን ለመከላከል አራት የ"መ" ሕጎችን የጤና ሚኒስቴር እያስተዋወቀ ነው።

    ሚኒስቴሩ በኮሮናቫይረስ በሽታ መያዛችን ዕለት-ተዕለት በምናደርገው እያንዳንዱ እንቅስቃሴ የሚወሰን መሆኑን በማስታወስ አራቱን የ’’መ’’ ህጎች ተግባራዊ እናድርግ የሚል መልዕክት በማስተላለፍ ዜጎች ህጎቹን ተግባራዊ በማድረግ ራሳቸውን ከቫይረሱ እንዲጠብቁ ምክር በማስተላለፍ ላይ ነው።

    እነዚህ የ"መ" ህጎች መራራቅ፣ መቆየት፣ መታጠብ እና መሸፈን መሆናቸውም ተገልጿል።

14. 12 ግንቦት 2020የለንደን የህዝብ ትራንስፖርት በወረርሽኙ ምክንያት 4.9 ቢሊዮን ዶላር ይከስራል ተባለ

    

    የፎቶው ባለመብት, AFP

    በኮሮናቫይረስ ሟቾች ቁጥር በአውሮፓ ቀዳሚ በሆነችው ዩናይትድ ኪንግደም እየደረሰባት ያለውም ኢኮኖሚያዊ ጫና ከፍተኛ ነው ተብሏል።

    የኮሮናቫይረስን መዛመት ለመግታት የተለያዩ ርምጃዎች መውሰዷንም ተከትሎ የህዝብ ትራንስፖርት ዘርፉ ክፉኛ እየተጎዱ ካሉት መካከል አንዱ እንደሆነም ተገልጿል።

    በለንደን ብቻ 4.9 ቢሊዮን ዶላር ኪሳራም እንደሚደርስ የከተማዋ የህዝብ ትራንስፖርት ኔትወርክ አሳውቋል።

    አጠቃላይ በዩኬ አስገዳጅ የቤት መቀመጥ መመሪያንም ተከትሎ የህዝብ ትራንስፖርት 90 በመቶ የሚሆነውን ገቢውን አጥቷል።

    ምንም እንኳን ዩኬ የዜጎቿን እንቅስቃሴ ብትገድብም የህዝብ ትራንስፖርት አገልግሎት ቁልፍ ለሚባሉ የስራ ዘርፎች አገልግሎታቸውን እንዲቀጥሉ መመሪያ አውጥታለች። ሆኖም የህዝብ ትራንስፖርት የሚጠቀመው ቁጥር በጣም የተመናመነ ነው ተብሏል።

    ችግሩንም ለመቅረፍ የድርጅቱ የገንዘብ ኮሚቴ አስቸኳይ ስብሰባዎችን ለማድረግም በዝግጅት ላይ ነው።

15. 12 ግንቦት 2020“በአፍሪካ በኤችአይቪ የሚሞቱ ሰዎች ቁጥር በግማሽ ሚሊዮን ሊጨምር ይችላል”

16. 12 ግንቦት 2020በኬንያ ለህክምና ወደ ሆስፒታል ለሚሄዱ በሙሉ የኮሮናቫይረስ ምርመራ ሊደረግ ነው

    

    የፎቶው ባለመብት, Getty Images

    የኬንያ ጤና ባለስልጣናት ሁሉም ለህክምና ወደ ሆስፒታል የሚሄዱ ሰዎች የኮሮናቫይረስ ምርመራ ሊደረግላቸው እንደሚገባ አስታውቀዋል።

    የጤና ባለሙያዎችን በማንኛውም ሁኔታ ከቫይረሱ ለመጠበቅና በሌላ በኩል ስርጭቱን ለመቀነስ ነው ይህ ሀሳብ የቀረበው ብለዋል የጤና ጉዳዮች ዳይሬክተሩ ፓትሪክ አሞት።

    "ለህክምና ወደ ሆስፒታሎች የሚሄዱ ሰዎች በሙሉ የኮሮናቫይረስ ምርመራ እንዲደረግላቸው መመሪያዎቻችንን እየከለስናቸው እንገኛለን።‘’

    ዳይሬክተሩ አክለውም ምርመራው ከሰዎቹና ከጤና ባለሙያዎቹ በተጨማሪ በሆስፒታሉ ውስጥ የሚገኙ የመከላከል አቅማቸው የደከመ ታካሚዎችን ከቫይረሱ ለመከላከል ይረዳል ብለዋል።

    በኬንያ 700 የተረጋጋጡ ቫይረሱ የተገኘባቸው ሰዎች ሲኖሩ ከነዚህ መካከል 33 ሞተዋል፤ 251 ደግሞ አገግመዋል።

17. 12 ግንቦት 2020በኢራን መስጊዶች በጊዜያዊነት ተከፍተዋል

    

    የፎቶው ባለመብት, Reuters

    በኢራን ዛሬ መስጊዶች በጊዜያዊነት ተከፍተው ሌሎችም እንቅስቃሴ ላይ የተጣሉ ገደቦች እየተነሱ እንደሚቀጥሉ ተገለጸ።

    መስጊዶች በተቀደሰው የረመዳን ወር ለሦስት ቀናት ክፍት ይሆናሉ። አማኞች ጤናቸውን ለመጠበቅ ጥብቅ ጥንቃቄ እንዲያደርጉም ማስጠንቀቂያ ተሰጥቷል።

    መስጊዶቹ ለምን ያህል ጊዜ ክፍት ሆነው እንደሚቆዩ አልታወቀም።

    የኢራኑ መሪ አያቶላ ካሚኒ በዚህ የጾም ወቅት ሕዝበ ሙስሊሙ መጸለይ እንዳለበት ባለሥልጣኖች ከግምት ማስገባት አለባቸው ብለዋል።

    ባለፈው ሳምንት በ160 ከተሞች፣ እምብዛም ለበሽታው ተጋላጭ ባልሆኑ አካባቢዎች መስጊዶች መከፈታቸው ይታወሳል። መስጊዶቹ ለሁለት ወራት ዝግ ነበሩ።

    በአገሪቱ 109,286 ሰዎች በቫይረሱ ተይዘው 6,685 ሞተዋል።

18. 12 ግንቦት 2020ሰበር, ኢትዮጵያ ከፍተኛውን የኮሮናቫይረስ ናሙና መርምራ 11 ሰዎች ላይ በሽታው ተገኘ

    

    የፎቶው ባለመብት, Getty Images

    ኢትዮጵያ የኮሮናቫይረስ ምርመራ ማድረግ ከጀመረችበት ጊዜ ወዲህ ከፍተኛ ቁጥር ያለውን ናሙና መርምራ 11 ሰዎች ላይ ቫይረሱን አገኘች።

    ባለፉት 24 ሰዓታት በ2424 ናሙናዎች ላይ በተደረገ የላብራቶሪ ምርመራ በተለያዩ የአገሪቱ ክፍሎች የሚገኙ አስራ አንድ ሰዎች በቫይረሱ መያዛቸው ተረጋገጠ።

    የጤና ጥበቃ ሚንስትር እና የኢትዮጵያ ሕብረተሰብ ጤና ኢንስቲትዩት በሰጡት የጋራ መግለጫ፤ በአጠቃላይ በቫይረሱ የተያዙ ሰዎች ቁጥር 261 መድረሱ ተገልጿል።

    ቫይረሱ የተገኘባቸው ሁሉም ወንድ ኢትዮጵያውያን ሲሆኑ፤ ስምንቱ በአፋር ለይቶ ማቆያ እንደነበሩ ተገልጿል። የተቀሩት ከትግራይ፣ ከሶማሌ እና ከአማራ ክልል ለይቶ ማቆያዎች እንደተገኙም ተጠቁሟል።

    ቫይረሱ የተገኘባቸው ሰዎች ባጠቃላይ የጉዞ ታሪክ አላቸው። እስካሁን በኢትዮጵያ 39048 የላብራቶሪ ምርመራ ተደርጓል። 148 ህሙማን በለይቶ ሕክምና የሚገኙ ሲሆን፤ ከበሽታው ያገገሙ ሰዎች 106 ደርሰዋል። አምስት ሰዎች ደግሞ በቫይረሱ ሳቢያ ሕይወታቸው አልፏል።

19. 12 ግንቦት 2020ማላዊያውያን ያለመሰባሰብ ሕግን ችላ እያሉት ይመስላል

    

    የፎቶው ባለመብት, AFP

    የማላዊ ዋነኛ ፖለቲካዊ ጥምረት አባላት የኮቪድ-19 ስርጭትን ለመግታት የተቀመጠውን ያለመሰባሰብ ህግ ችላ በማለት በመጪው ሐምሌ ለሚካሄደው ምርጭ ቅስቀሳ ማድረግ ጀምረዋል።

    ባሳለፍነው ሳምንት መጨረሻ አገሪቱ የቫይረሱ ወረርሽኝ ከተከሰተ ወዲህ በአንድ ቀን ውስጥ ከፍተኛ ቁጥር ያላቸው ሰዎች መያዛቸውን ካስታወቀች በኋላ በርካታ ሰዎች ተሰብስበው መታየታቸው ግርምትን ፈጥሯል።

    በተጨማሪም የምረጡኝ ቅስቀሳውን ለመታደም የሄዱት አብዛኛዎቹ ሰዎች አፍና አፍንጫ መሸፈኛ 'ማስክ' አላደረጉም ነበር ተብሏል።

    አገሪቱ ባሳለፍነው ዓመት ግንቦት ወር ላይ ምርጭ አካሂዳ ፕሬዝደንት ፒተር ሙታሪካ በድጋሚ ተመርጠው የነበረ ቢሆንም የምርጫው ውጤት በአገሪቱ ሕገ መንግስታዊ ፍርድ ቤት ውድቅ ሆኗል።

    የማላዊ ምርጫ ኮሚሽን የፖለቲካ ፓርቲዎች ቅስቀሳ ለማድረግ ህዝብ መሰብሰብ እንዲያቆሙና ሌሎች አማራጮችን እንዲፈልጉ አሳስቦ ነበር።

    የአገሪቱ ጤና ሚኒስቴርም ፓርቲዎቹ የጠሩትን ስብሰባ የሚያስቆጭና የቫይረሱን ስርጭት የሚያባብስ ነው ብሎታል።

20. 12 ግንቦት 2020ከኮሮናቫይረስ የትኞቹ ድርጅቶች አተረፉ? እነማንስ ከሰሩ?