20mh linn / Meg Bateman
Am Bàrd
Thogadh Meg Bateman ann an Dùn Èideann ann an dachaigh far nach robh Gàidhlig air a bruidhinn. Dh'ionnsaich i Gàidhlig gu fileanta, a' toirt a-mach ceum anns a' chànan ann an Oilthigh Obar Dheathain agus an uair sin tràchdas PhD air bàrdachd chràbhach chlasaigeach na Gàidhlig.
Thòisich i a' sgrìobhadh bàrdachd nuair a bha i mu 24 bliadhna.
Chaidh a' chiad leabhar aig Meg, Òrain Ghaoil, fhoillseachadh ann an 1990. Nochd Aotromachd is Dàin Eile ann an 1997 agus chaidh a chur air adhart airson Duais Stakis na bliadhna sin. Chaidh an treas leabhar aice, Soirbheas, fhoillseachadh ann an 2007 agus chaidh a chur air adhart airson Duais Litreachais Saltire na bliadhna. Tha na dàin aice cuideachd air nochdadh ann an iomadh iris thar nam bliadhnaichean, nam measg Gairm, Chapman agus Lines Review.
Tha ùidh mhòr aig Meg ann am bàrdachd agus cuide ri Wilson Macleòid, chruinnich i seann bhàrdachd Ghàidhlig bho c.600 gu 1600 AD a chaidh fhoillseachadh ann an 2007 san leabhar, Duanaire na Sracaire.
Tha i air a bhith a' teagaisg ann an Oilthigh Dhùn Èideann agus Oilthigh Obar Dheadhain agus tha i na h-Òraidiche Urramach ann an Oilthigh Chill Rìmhinn.
Tha Meg 's a mac, Colm, an-diugh a' fuireach san Eilean Sgitheanach far a bheil i a' teagaisg aig Sabhal Mòr Ostaig.
The Adobe Flash player and Javascript are required in order to view a video which appears on this page. You may wish to download the Adobe Flash player.
Teacsa
Mar a chùm i oirre ag ionnsachadh na Gàidhlig as dèidh an oilthigh
Chaidh mi a-mach a dh'Uibhist a Deas airson bliadhna agus rinn sin diofar mòr. Agus an uair sin, uill tha cuimhne agam a bhith na mo shuidhe anns a' chidsin agus a bhith a' cluinntinn a' chànain dìreach a' dol thairis air mo cheann 's cha robh mi a' tuigsinn facal. Ach saoilidh mi an ceann beagan mhìosan, gu robh mi a' tuigsinn a h-uile facal. Is mar sin thàinig e gu furasta an uair sin, nuair a bha mi ann an suidheachadh na bu nàdarraich.
Air adhart gu
CuspaireanBBC iD
BBC iDStiùireadh a’ BhBC
Ceangalaichean BBC
BBC © 2014 Chan eil uallach air a' BhBC airson na th' air làraich-lìn eile.
Gheibhear sealladh nas fheàrr den duilleig seo le sealladair lìn nas ùire agus na duilleagan stoidhle (CSS) air. Ged a chithear susbaint na làraich leis an t-sealladair lìn a th' agaibh, tha sinn a' moladh an dreach as ùire den bhathar-bhog ur sealladair a thoirt a-nuas, no ur duilleagan-stoidhle a chur air ma ghabhas sin dèanamh.