Na cuspairean as trice a tha a' nochdadh na sgrìobhadh

Tha mi air sgrìobhadh mu dheidhinn tòrr dhiofar rudan, ach tha mi a' smaoineachadh gu bheil an teannachadh a th' ann, an tension a th' ann eadar seann rudan is rudan ùra, gu bheil sin ag èirigh gu math tric anns a' bhàrdachd agam. Agus cuideachd an teannachadh a tha eadar creideamh agus mì-chreideamh, gu bheil tòrr dhen sin air a bhith anns a' bhàrdachd agam.

Ach cuideachd an seòrsa dreuchd a bh' aig m' athair, a' dol bho àite gu àite nuair a bha mi òg... tha mi air a bhith a' fuireach ann an diofar àitichean agus tha na h-àitichean fhèin air buaidh a thoirt air an t-seòrsa stuth a tha mi a' sgrìobhadh. Tha mi air dàin a sgrìobhadh mu dheidhinn Muile, dàin mu dheidhinn Leòdhas agus mu dheidhinn an Eilean Sgitheanach, àiteachan far an robh mi air a bhith a' fuireach. Sin an seòrsa buaidhean a th' ann, tha mi a' smaoineachadh.