Ag innse mu stoidhle na bàrdachd

Nuair a tha e bruidhinn mu na saighdearan dearga agus Rìgh Deòrsa 's Diùc Uilleam, tha e an còmhnaidh gan samhlachadh ri coin no cuileanan, 's le sin cha b' e cuilean snog a tha e ciallachadh ach cur, tha mi creidsinn. Tha e an còmhnaidh bruidhinn mu dheidhinn "Sìol nan cuilean gun bhàidh, Dh'am maith-chinnich an t-àl". Tha e an còmhnaidh a' bruidhinn orra mar àl agus "fìor bhalgairean Shasainn," agus tha iad "mar mhial-choin air acras". Tha e gu math tric a' cleachdadh sin, gan samhlachadh ri coin, ach cha b' e coin snog ach feadhainn a bhios ag ithe a h-uile seòrsa rud, agus a' leum air coin eile, 's gam bìdeadh.

'S tha e cuideachd, tha e cleachdadh tòrr samhlaidhean 's ìomhaighean bhon Bhìoball cuideachd. Tha e glè thric a' samhlachadh na saighdearan dearga 's rìgh Hanòbhair, Rìgh Deòrsa 's Diùc Uilleam ri clann na h-Èipheit as a' Bhìoball, clann na h-Èipheit a bha tighinn às dèidh clann Israel, nuair a chaidh iad tron mhuir, tron a' Mhuir Ruadh, agus aig an aon àm tha e samhlachadh clann nan Gàidheil ri clann Israel agus na daoine dìreach gun fhaireachdainn, dìreach salachair dhaoine tighinn às an dèidh, clann na h-Èipheit tighinn às dèidh clann Israel, tha e glè thric a' dèanamh sin, clann na h-Èipheit, sin na saighdearan dearga agus Rìgh Deòrsa agus a theaghlach, clann Israel, sin na Gàidheil agus na Seumasaich.