A' bruidhinn mu Spiorad a' Chathrannais

Nuair a choimheadas tu ri Spiorad a' Charthannais, chì thu gu bheil an dà chuspair sònraichte aige ann a' sin: staid an duine, an dòigh as a bheil e air a shuidheachadh as an t-saoghal, na buaidhean a th' air fo mhathas agus fo olc agus fo dhìth a' mhathais. Tha Spiorad a' Charthannais, 's ann dìreach mu dheidhinn sin a tha e.

Tha e tòiseachadh leis a' charthannas a phearsachadh, eil fhios agad, mar gum b' e duine ris am biodh e bruidhinn a th' ann, no neach, no spiorad, spiorad ris am b' urrainn dha bruidhinn. Bha e sealltainn dhuinn cho math 's a bha e, agus cho feumail 's a bha e dhan an duine a bhith, e bhith latha ris, agus cho feumail 's a bha e dhan an t-saoghail, 's mar a bheireadh e dòigh dhuinn air ar beatha a riaghladh, 's air coimhead ris an t-saoghal.

Agus mar a chuir a' saoghal a chùl ris a' charthannas agus a' rud a bha tighinn a-mach às an sin, bha aimhreit is gineachd is leithid sin a rud.. ainneirt a thaobh uachdarain gu sònraichte, agus gineachd a thaobh saoibhreis, rud a bha toirt air daoine miann an airgead a chuir an àite iochd ri daoine, a' cuir dhaoine air falbh às a' fearann airson gum biodh cothrom aca air ionmhas a thoirt às an fhearann. Agus, mar a tha fhios againn, bha dà luim dhen sin ann: bha chiad luim co-cheangailte ri caoraich agus nuair a dh'fhalbh an t-airgead às na caoraich, thòisich iad ri spòrs, agus 's e sin fear dha na cuspairean as làidire a th' aige, 's ann mu dheidhinn sin tha Òran Luchd an Spòrs cuideachd.