B' ann a' teagaisg tro bhàrdachd a bha Bochanan

Tha mi creidsinn gur e dìreach, 's e a bha fa-near dha, fhios agad, 's e soisgeulaich a bh' ann agus maighstir-sgoile, bha e a' dèanamh an dà chuid. Bha e air a chuir air leth leis a' chlèir gu bhith na cheistear agus na shearmonaiche. Agus saoilidh mi na bhàrdachd gur e sin a tha e a' dèanamh, a' searmonachadh 's a' teagaisg, a' toirt teagaisg a' Bhìobaill do dhaoine ann am bàrdachd, daoine 's dòcha nach leughadh am Bìoball, ach nuair a chluinneadh iad pìos bàrdachd, nuair a bhiodh bàrdachd aca air an cuimhne, bha sin na dhòigh-teagaisg.

Ach 's e mar gum biodh an cuspair a bh' aige gu h-àraidh, a bhith 'g innse do dhaoine cho diomain 's cho caochlaideach sa tha ar beatha agus a bhith dèanamh ullachaidh airson na beatha ri teachd. Tha mi creidsinn gu bheil sin aige ann an Latha a' Bhreitheanais 's An Geamhradh, 's bàrdachd eile, An Claigeann, gur e a bhith toirt rogha do dhaoine a bhith cuir nam faireachadh a thaobh rudan spioradail agus cor an anam.