KALLATTIIN, Gorsaan Tiraamp Hamaas guyyoota 30 keessatti hidhannoo akka hiikkatu itti hime

Haguuggii Tamsaasa Kallattii

1. Daqiiqaa 35 duraPaatirik Veeraan leenjisaa garee biyyaalessaa Senegaal tahe

   

   Madda suuraa, Getty Images

   Taphataa duraanii beekamaan Arsenaal Paatirik Veeraan leenjisaa garee biyyaalessaa Senegaal tahuun qacarame.

   Veeraan leenjisaa Senegaal Paappe Tiyaaw bakka bu'uun qacarame.

   Taphataan duraanii Arsenaal kun dhiyeenya kileba Xaaliyaanii Jeenoyaa jedhamu irraa gaggeeffame.

   Erga Arsenaalii bahee Maanchister Siitiif taphataa turee achumatti soorama bahe.

   Akkaadaamii Maanchister Siitii umurii 21 gadiis leenjisaa ture.

   Sana booda gara Ameerikaatti imaluun leenjisaa kileba Niw York Siitii tahe. Erga achii gadhiisee ammoo kileba Faransaay Niis jedhamu leenjisaa ture.

   Gara Ingiliziitti deebi'uunis leenjisaa Kiristaal Paalaas tahuun hojjetaa tureera.

   Veeraan Faransaayiif taphoota 107 irratti hiriiree taphateera.

   Paatirik Veeraan Senegaal magaalaa Daakaritti dhalate. Umuriin isaa yeroo waggaa saddet tahu maatii isaa waliin Faransaay galanii achitti guddate.

2. Sa'aatii 3 duraMisirroonni cidha booda bashannanarra turan balaa xiyyaaraan du'an

   

   Madda suuraa, Social Media

   Misirroonni lammiilee Biriteen ta'an kunneen akkuma cidha xumuraniin osoo bashannanarra jiranii balaa xiyyaaraan du'an.

   Balaa xiyyaaraa odola Giriik, Sifnos jedhamutti mudateen paayileetiinis du'uu poolisiin Giriik ibse.

   Namoonni Aleksandar Kiroomii fi Maarii Ebert jedhaman kunneen dhihoo cidha kan godhatan yoo ta'u bashannanaaf Giriik turan.

   Xiyyaarri kufte kun helikooptara dhuunfaa yoo taatu iddoo qubattu ga'uuf meetirri muraasi wayita hafu kuftee caccabde.

   Misirroonni kunneen ganda dhiheenya magaalaa guddoo Giriik, Ateensitti argamtu Markopoulo keessaa ka'uun gara iddoo namoonni hedduun daawwatanii Katthimerini imalaa turan.

   Abbaan Taayitaa Aviyeeshinii Giriik balaa kana qorataa jiraachuu ibse.

3. Sa'aatii 6 duraCirrachi 3kg ol ulfaatu afuuffee fincaanii namaa keessaa baafamuun gabaafame

   

   Madda suuraa, Trincomalee General Hospital

   Hakiimonni Siriilaankaa afuuffee fincaanii nama tokkoo keessaa cirracha 3.1kg ulfaatu baasuu ibsan.

   Nama tokko keessaa cirrachi hammana gahu bahuun kan jalqabaati jedhamee amanama.

   Dhukkubsataa kanaaf wal'aansi baqaqsanii yaaluu kan godhame torbee darbe Tiriinkoomaalee hospitaala jedhamu keessatti.

   Dhukkubsataan hospitaala kan gale istirookiin qabamee booda ta'uu ibsame.

   Dhukkubsataan osoo wal'aansi godhamaafii jiruu fincaawuuf yoo rakkatu ogeeyyiin qorannoo dabalataa godhaniif. Achumaan afuuffee fincaanii isaa keessatti cirracha argan.

   waldhaansa baqaqsanii yaaluu booda cirrachi bahe yoo madaalamu hamma daa'ima reefu dhalatuu ulfaata.

   Akkaataa odeeffannoowwan jiranii hanga yoonaa waldhaansa baqaqsanii yaaluun cirrachawwan bahan keessaa kun cirracha afuuffee isa guddaadha jedhan Dr Piraapaahaalaan Baalaariishinaan BBC'tti yoo dubbatan.

   Wal'aanamaan "fayyummaa gaarii" irratti argamu ibse.

   

   Madda suuraa, Trincomalee General Hospital

   Namni tajaajila argate kun ammallee hordoffiif hospitaala jira.

   Dr Balaakraashinaan cirrachi kun waggoota 10'iif isa waliin ture jedhan.

   Cirrachi afuuffee fincaanii albuudonni fincaan keessatti argaman yoo walitti maxxan kan uumamu yoo ta'u, guutuutti fincaan fincaawuu nama dhorku.

   Cirrachoonni ashawaa fakkaatan ujummoo mataasaaniin dhabamsiifamu.

   Cirrachi seentimeetira 4 caalu guddaa dha jedhama.

   Bara 2003 keessa ture cirrachi guddaan Galmee Wantoota Dinqisiisoo Addunyaarratti galmaaye afuuffee fincaanii keessaa kan baafame. Cirrachi yeroos bahe 1.9km ture. 17sm dheerata. Inni miilana Siriilaankaatti nama keessaa bahe 17sm dheerata.

4. Sa'aatii 8 duraMM UK dubartii sobaan 'ani itti gaafatamtuu waajjira Tiraamp' jetteen waliin ergaa wal jiijjiiraa turuu himame

   

   Madda suuraa, PA Media / Getty Images

   MM UK Andii Barnhaam dubartii sobdee 'ani itti gaafatamtuu waajjira Pirezdantii US Donaald Tiraamp' jette faana ergaa barreeffamaa wal jijjiiraa turuu gabaafame.

   Waajjirri masaraa UK Downiing Istreet qaama nageenya odeeffannoo kana ilaalchisee yaada kennuurraa of qusate.

   Websaayitiibn oduu kanaa Politico akka gabaasetti Barnhaam nama ani Susii Wiils jettuun waliin hanga "ishee shakkee nama sirrii akka hin ta'in barutti waliin dubbachaa turuu"fi "ergaawwan muraasa qofa" wal jijjiire.

   Dubbii himaan mootummaa "Dhimma nageenya biyyaalessaa irratti deebii hin kenninu" jedhe.

   Ergaan Barnhaamii fi nama sobee itti haasawu kanaa kan barreeffamaa ta'uu fi dubbiin biraa akka hin turre ni barama.

   "Ergaan hiika guddaa qabu" hin turre, ergaa barreeffamaa qofa, shakkiin uumamnaan immoo "ergaan kun qaama dhimmi ilaaluuf gabaafame"jedhe maddi.

   Diwniing Istreet waayee ergaa kanaa homaa hin jenne, baay'inasaa, tooftaa kamiin akka ta'es hin ibsine.

   Waayit Haawus BBC'tti akka himetti "taateen kun bilbila Wiils butame waliin wal hin qabatu."

   BBC as dura akka gabaasetti FBI bilbila Wiils haak ta'ee ture qorataa ture. Kun Caamsaa bara darbe keessa.

5. Sa'aatii 9 duraDooniin tokko Ulaa Hormuuz keessatti haleelamte

   

   Madda suuraa, AP

   Abbaan Taayitaa Hojii Daldala Galaanaa UK akka jedhetti, dooniin tokko Ulaa Hormuz keessa osoo darbaa jirtuu haleellaa qilleensaa hin beekamneen haleelamuu ishee gabaasa argate.

   Dhaabbatichi itti dabaluudhaan taatee kun kutaa motora doonii irratti miidhaa kan geessise yoo ta'u, miseensi hojjettoota doonii tokko ammoo du'uu ibseera.

   Akka gabaasa kanaatti, Eegdonni Galaana Omaan yeroo ammaa hojjettoota doonii hafan baraaruuf tattaaffii taasisaa jiru.

   Taatee kun kan mudate yeroo imallee galaanaa ulaa Hormuz jeequmsa guddaan mudachaa jirutti yoo ta’u, lakkoofsi dooniiwwan ulaa kana fayyadamanii baay’ee gadi bu’eera.

   Waraana Ameerikaa fi Israa’el Iraan irratti banan dura guyyaa guyyaan dooniiwwan 130 ol keessa darbaa turan.

   Kanaan dura preezdaantiin Ameerikaa Doonaald Traamp Waayit Haawusitti gaazexeessitoota waliin haasa’uun waliigaltee yeroo Iraan waliin qaban dheeressuuf karoora akka hin qabne ibsaniiru.

   Akkasumas Teehiraan waliigaltee barbaachisaa ta’ee irra ga’uuf ammallee qophii akka hin taane akka amanan dubbataniiru.

6. Sa'aatii 9 duraRaashiyaan Yukireeniif diroonota kenniteef jechuun UK akeekkachiifte

   

   Madda suuraa, EPA

   Raashiyaan waraanni Yukireen akka hammaatuf "ta'e jettee hojjetti" jechuun UK himatte. Biyyattiin kana kan jette Raashiyaa haleeluuf dirooniwwan UK hojiirra ooluu isaaniin mirkanaawuu booda.

   Imbasiin Raashiyaa UK jiru ibsa baaseen akka jedhetti, "UK yakka dhiiga dhangalaasaa jiruu fi michuu shororkeessituu ta'aa jirti" jette.

   "Gochi Landan deebii barbaadu kun balaa qabaachuun isaa waan hin oolle jedhe. UK'n hirmaannaan isheen waraana kana keessatti qabdu haguma dabale gatiin isheen kaffaltus ni dabala jedhe.

   Himannaa Raashiyaan dhiyeessiteef deebii kan kennan, dubbii himaan Ministeera Ittisaa Yuunaayitid Kingidam (UK) n "Yukireen waliin akka dhaabbattu" BBC'tti himaniiru.

   Itti dabaluudhaan, "Mootummaan finciltoota Raashiyaan Yukireen, UK fi michoota keenya irratti raawwatAa jirtu ka'umsa godhachuun akka dura dhaabbattu Raashiyaan shakkuu hin qabdu," jechuun ejjennoo isaanii ibsa kanaan beasisaniiru.

   Dabalataanis, "UK'n weerara seeraan alaa [Pirezidaantii Raashiyaa Viilaadimiir Puutiin] Yukireen irratti banerraa of ittisuuf meeshaalee ishee dandeessisan dhiyeessuuf kutannoo qabdi," jedhaniiru.

   Ministeerri Ittisaa baatii Eeblaa keessa, meeshaalee fageenya dhihoo fi dheeraatti furguggifaman dabalatee, diroonota kuma kurnaniin lakkaa'aman akka dhiyeessu beeksisee ture.

   Diroononni Biriiteen keessatti kaampaanota adda addaa lamaan hojjetaman kunniin, Raashiyaa keessatti tarkaanfiiwwan waraanaa bal'aa fi milkaa'oo ta'an, akkasumas lafa boba'aa, kuusaawwan meeshaa fi kaampaanichaa toora daldalaa oonlaayinii kan ta'e Wildberries dabalatee, qiyyaafannoo indasitiriiwwan adda addaa rukutuuf dhimma itti bahameera.

7. 18 Hagayya 2026Turkiin marii Ameerikaa fi Iraan itti qooda fudhachuuf qophiidha'-Erdogaan

   

   Madda suuraa, Reuters

   Pirezidaantiin Turkii Recep Tayyip Erdoğan, Pirezidaantii Ameerikaa Donaald Tiraamp waliin bilbilaan haasa’uun, muddama Ameerikaa fi Iraan gidduu jiru karaa marii fi dippilomaasii furuu akka barbaachisu gaafatan.

   Erdogaan, Turkiin marii kana itti fufsiisuuf tattaaffii taasifamu keessatti qooda fudhachuu fi deeggarsa kennuuf qophii ta’uu Tiraampitti himaniiru.

   Waajjirri Pirezidaantii Turkii akka beeksisetti, haasaa bilbilaa kana keessatti Erdogaan Ankaraa tattaaffiiwwan nagaa deeggaruuf qophii ta’uu mirkaneessaniiru.

   “Muddama Ameerikaa fi Iraan gidduu jiru keessatti dippilomaasiin filmaata olaanadha. Mariin itti fufuu akka danda’u ni abdanna; Turkiinis tattaaffiiwwan nagaa kamuu ni deeggarti'' jedha ibsi Waajjirri Pirezidaantii Turkii kun.

   Ankaraan yeroo ammaa Ameerikaa, Iraan, akkasumas biyyoota gidduu-seentummaa taasisaa jiran kanneen akka Paakistaanii fi Qataar waliin qunnamtii cimaa qabduun kanneen marii fi araaraaf jaarsummaan gahee bahuu danda'an keessaa tokko taatee jirti.

   Mariin Ameerikaa fi qaamolee mootummaa Iraan garaagaraa gidduu jiru yeroo ammaa yeroo kamiyyuu caalaa cimaa ta’uu akka danda'u Ameerikan ibsiteerti.

8. 18 Hagayya 2026Gorsaan Tiraamp Hamaas guyyoota 30 keessatti hidhannoo akka hiikkatu itti hime

   

   Madda suuraa, Reut

   Gorsaan olaanaa fi soddaan pirezidantii US Doonaald Tiraamp Jaared Kushner tarkaanfiin hidhattoota Hamaas hiikkachiisuu gara fuula duraatti deemaa jiraachuu himuun akkaataa waliigaltee nagaa Gaazaatiin ji'a itti aanu keessa jalqabamuu danda'a jedhe.

   Kushneer Wixata Teel Aviivitti erga Ministira Muummee Israa'el Benjaamiin Netaaniyaahuu waliin dubbateen booda, guyyoota soddoma keessatti bu'aa akka argan kaasuun kun ammoo Gaazaa keessaa meeshaa waraanaa baasuun jalqaba jedhe.

   "Hamaas guyyoota 60 hanga 90 keessatti meeshaa waraanaafi ulaa lafa jalaa qabu darbasee kan kennu taanaan, shakkii tokko malee yaaddoon Israa'el ni hafa. Yoo ammoo waadaa isaanii hin raawwanne, garaa isaaniirraa nagaa akka hin barbaadne hunduu ni arga waan ta'eef Israa'el Ameerikaafi kanneen biroorraa deeggarsa argattee hojii hafe xumuruu dandeessi."

   Ibsi kun Kushneer fi Netaaniyaahuun Hamaas hidhannoo hiikkachuu isaa kan mirkaneessu Jeneraala Waraanaa US ta'uurratti waliigaluun boodadha.

   Netaaniyaahuun hanga Hamaas hidhannoo hiikkatutti humnoonni Israa'el Gaazaa Istriip keessaa akka hin baane dubbachaa tureera.

9. 18 Hagayya 2026ASHAMAA!

   Akkam jirtu hordoftoota keenyaa?

   Toora odeeffannoo kallattiin isin biraan geenyu jalqabneerra.

   Odeessaalee keenya karaa Instagram, Marsariitii, YouTube, WhatsApp, Facebook fi TikTok keenyaa argachuu dandeessu.

   Odeeffannoo kanneen:

   Tiraamp Omaan dhimma Iraan irratti ''karaa nutti cufti taanaan'' boombiidhaan haleella jechuun doorsise

   Tarkii, Saawudi Arabiyaafi Paakistaan humna 'NATO biyyoota Musiliimaa' hundeessaa jiruu?

   Gorsaan Tiraamp Hamaas guyyoota 30 keessatti hidhannoo akka hiikkatu itti hime jedhaniif kaan ni aergattu.

   Dhiyaadhaa!