Israa’el hogganaan nageenyaa ijoo Iraan Alii Laarijaanii haleellaa raawwatteen ajjeefamuu himte

Haguuggii Tamsaasa Kallattii

1. 17 Bitooteessa 2026Amma nu gahe, Israa'el hogganaa nageenyaa ijoo Iraan Alii Laarijaanii ajjeesuu beeksifte

   Waraanni Israa'el hogganaa nageenyaa Iraan Ali Laarijaanii irratti haleellaa raawwachuun ajjeesuu ibse.

   Qondaalli waraana Israa’el tokko humni waraanaa isaanii barreessaa Mana Maree Nageenya Biyyaalessaa Iraan Ali Larijani irratti haleellaa raawwachuu mirkaneessaniiru.

   Qondaalii olaanaan nageenyaa kun waggoota jahaaf Garee Milishaa Iraan waliin hidhata qabu hogganaa ture jeette Israa'el

   Yoo xiqqaate miidiyaaleen Iraan lama qondaalli nageenyaa olaanaa kana ilaalchisee odeeffannoo jiru ibsuuf akka jiran eeraniiru.

   Ministirri Raayyaa Ittisa Biyyaa Israa'el Israa'el Katz Ali Larijani du'eera jedhan.

   Hogganaan Olaanaan Iraan Ayatola Ali Kamneenii utuu hin ajjeefamin dura dhimma Iraan murtessuuf nama kana bakka buusanii ture.

   Ali Laarijaanii kanneen Ameerikaan nama odeeffannoo waa'ee isaa kenneef doolara heddu ramaddee turtee keessati

2. 17 Bitooteessa 2026Chaayinaan waamicha Ameerikaa diduu hordofee Tiraamp dawwaanasaa jijjiire

   Tiraamp 'Walgahii Chaayinaa waliin godhu yeroo biraatti dabarsuu malee filannoon biraa hin jiru' jedhe.

   Pirezidaanti Tiraamp Wixata kaleessaa akka jedhanitti sababa waraana Iraaniin daawwannaa Chaayinaa dhuma baatii Bitootessatti karoorfame gara ji’a tokkoof dheeressuuf karoorfachuu isaanii ibsaniiru.

   "Kun Baayyee salphaadha. Waraana itti fufee jiru qabna. As turuun barbaachisaa natti fakkaata,"jedhan.

   Tiraamp Pirezidaantii Chaayinaa Shii Jinping arguuf hawwii guddaan eeggachaa turuu ibsuun,'' amma yeroo biraatti dabarsuu malee toftaan biraa hin jiru" jechuun cimsanii dubbatan.

   Tiraamp Tarkaanfii kana kan fudhatan yoo Chaayinaan ulaan Hormuz akka banamuuf hin gargaarre walgahii kana yeroo biraatti dabarsuu akka danda'an erga dubbatanii guyyaa tokko booda.

   Dubbiin Tiraamp kun kan dhaga'ame yeroo waldhabdeen biyyoota diinagdee gurguddoo addunyaa lamaan gidduu jiru waraana Iraaniin hammaataa dhufeetti.

   Beejiing maamila guddoo boba’aa Iraan yoo taatu,, haleellaa Ameerikaa fi Israa’el biyyattii irratti raawwatan qeeqxeetti.

   Waashingitan imaammanni taarifaa Tiraamp baatii Guraandhalaa keessa Mana Murtii Olaanaatiin erga kufee booda kan Chaayinaa dabalatee taarifa daldalaa biyyota kana irra deebiin akka qorattu ibsiteerti.

3. 17 Bitooteessa 2026Daawwadhaa: Haleellaa Israa'el kibba Libaanositti raawwatte hordofee aara mul'atu

4. 17 Bitooteessa 2026Boba'aa qusachuuf tarkaanfii biyyootni Eeshiyaa fudhataa jiran

   Biyyoonni Eeshiyaa waraana Ameerikaa fi Israa’el Iraan irratti banan hordofee hanqina boba'aa mudate waliin wal’aansoo wal qabaa jiru.

   Boba’aa qusachuufis tarkaanfiwwaan adda addaa fudhachuu irratti argamu

   Boba’aa fi gaaziin ulaa Hormuz keessaa darbu keessaa kan dhibbeentaa 90 ta'u gara Eeshiyaa kan geejjibsiifamu yoo ta’u, kunis ardii addunyaa irratti boba’aa guddaa alaa galchitu ishee taasisa.

   Siriilaankaa;- Sirilaankatti mootummaan guyyaan Roobii hundi guyyaa ayyaana ummataa akka ta'e labseera.

   Guyyaa ayyaanaa kana hojiin mootummaa fi dhaabbilee tokko tokkollee cufaa ta'u.

   Kunis itti fayyadama boba’aa hir’isuuf gargaara. Konkolaachiftoonnis “itti fayyadama boba'aa biyyaalessa” galmaa’uu qabu. Kunis tokkoon tokkoon konkolaataa boba’aa hangamii fayyadamuu akka danda’u daangeessa.

   Mayinmar:Mayinmaritti konkolaattonni dhuunfaa torbanitti guyyoota murtaa'an qofa socho'uu danda'u. Guyyaan hayyamame dabaree lakkoofsa gabatee konkolaataa irratti hundaa'a. Kunis fayyadama tiraafikaa fi boba’aa hir’isuuf gargaara.

   Filippiinsi:- Filiippinsitti waajjiraaleen mootummaa tokko tokko hojjettoonni isaanii torbanitti yoo xiqqaate guyyaa tokko ykn lama mana isaanii taa’anii akka hojjetan taasisaniiru. Kunis imala hir’isuu fi boba’aa qusachuu fi jedhameera

5. 17 Bitooteessa 2026Hoggantoonni Awurooppaa dhimma waraana deemaa jiru irratti ibsa kennan

   Hoggantoonni biyyoota Kaanaadaa, Faransaayi, Jarman, Xaaliyaanii fi UK Israa’elii fi Libaanos haalli namoomaa Libaanos keessa jiru “suukaneessaadha” jechuun ibsa waloo baasan.

   Kanaaf Israa’elii fi Libaanos ''furmaata siyaasaa waaraa irratti mari’achuu akka jalqaban'' waamicha dhiyeessan

   Ibsa waloo hoggantoonni kunneen kennaniin, Hizbullaah Libaanos hidhannoo hiikkachuu fi haleellaa Israa’el irratti raawwatu akka dhaabu gaafataniiru.

   Hoggantoonni Awurooppaa kunneen murtee gareen Hizbullaah waraana Iraan irratti hirmaachuuf murteesses balaaleffataniiru.

   "Jalqabbii marii mijeessuuf taasifamu cimsinee deggerra, waraanni kunis akka dhaabatu ni gaafanna," jedhan.

   "Haleellaan lafoo Israa'el Libaanos irratti raawwattu bu'aa namoomaa hamaa fiduu fi waldhabdee yeroo dheeraa fiduu waan danda'uuf hambifamuu qaba," jedhan hoggantoonni kunneen.

   Ibsi kun kan ba’e, haleellaa qilleensaa Israa’el kaleessa galgala Beerut keessatti raawwachuu ishee itti fufuuni..

   Wixata kaleessaa waraanni Israa’el humnoonni isaa garee Hizbullaah kibba Libaanos irratti ''duula lafoo daangeffamee fi xiyyeeffannoo qabu'' baneera jedheera.

   UK fi US Hizbullah dhaabbata shororkeessummaa jechuun moggaasan.

6. 17 Bitooteessa 2026Imbaasiin US Bagdaad jiru haleellaa 'yeroo kamiyyuu caalaa hamaa' ta'een rukutame

   Imbaasiin Ameerikaa magaalaa guddoo Iraaq Bagdaad keessatti argamu misaa'elaa fi dirooniin akka malee haleelamuun ibsame.

   Erga waraanni kun jalqabee haleellaa cimaa Iraaq irratti raawwatame ta'u kaneeran gabaasaaleen misaa'elootni fi dirooniin kunnen naannoo Bagdaad irraatti kan qiyyaafataman ta’uu Rooyitars gabaaseera.

   Namoonni ijaan argan akka jedhanitti yoo xiqqaate diroonii sadii gara imbaasichaatti qajeelan kan argan yoo ta', sirni ittisa qilleensaa diroonii lama yoo qolatu inni sadaffaan ammoo mooraa imbaasiichaa haleelera.

   Sana booda ibiddaa fi aarri mooraa imbaasii irraa bahu mul'ateera. Namni ijaan arge kan biraan ammoo magaalaa guddoo Iraaq keessatti dhohinsa dhaga'uu isaa gabaaseera.

   Asoosheetid Prees qondaaltota Iraaq lama waabeffachuun akka gabaasetti dirooniin afur imbaasicha irratti xiyyeeffatan sirna ittisa qilleensaatiin kufaniiru. Haa ta'u malee, caccabni diroonota kanaa Imbaasicha rukute ibidda kaasee jedhan.

   Gama biraatiin ammoo haleellaan qilleensaa mana mooraa pirezidaantii naannoo Al-Jadriyaa Bagdaad keessatti argamu kan dallaa cimaa qabu irratti xiyyeeffate jedha gabaasni AP.

   Haleellaan kun Bagdaad bakka gamoowwan mootummaa fi Imbaasiiwwan biyyoota alaa jiranitti kan xiyyeefate.Gabaasni kun itti dabaluudhaan haleellaa kana eenyu akka raawwate hin beekamu jedhe.

   Gama biraatiin Rooyitars gareewwan hidhattoota Iraan deeggaraman qabeenya Ameerikaa Iraaq keessatti haleellaa raawwachaa akka turan gabaaseera.

7. 17 Bitooteessa 2026ASHAMAA!

   Akkam jirtu hordoftoota keenyaa?

   Toora tamsaasa kallattii haaraa jalqabneerra.

   Michoonni waliin Hormuuz tiksuu baannaan egereen NATO 'baayyee fokkisaa' akka ta'u Tiraamp akeekkachiise

   Netaaniyaahun 'ajjeefamaniiruu'? Iraan doonii Ameerikaa mancaasteettii?

   Israa'el fi Iraan walitti dhukaasan, Tiraamp mariif qophii miti jechuu isaafi oduu kaan karaa marsariitii, YouTube, Facebook fi WhatsApp keenyaa bal'inaan ni argattu.

   Dhiyaadhaa!