Sooriyaan garee IS mo'achuuf tokkummaa Ameerikaan dursitutti makamuun waraanuufi

Haguuggii Tamsaasa Kallattii

1. 11 Sadaasa 2025Roonaaldoon Waancaa Addunyaa bara 2026 kan dhumaa isaa akka ta'u mirkaneesse

   

   Madda suuraa, Getty Images

   Taphataan sarara fuulduraa Poorchugaal Kiristiyaanoo Ronaaldoo Waancaa Addunyaa bara 2026 dhumaa isaa akka ta'u mirkaneesse.

   Kilabii fi biyyaaf goolii 953 kan lakkoofsise taphataan ganna 40 kun ''waggaa tokko ykn lama booda'' kubbaa miilaarraa soorama akka bahus dubbateera.

   Waancaa Addunyaa bara dhufu Kaanaadaa, Meksikoo fi Ameerikaatti gaggeeffamu Ronaaldoof 6ffaa ta'a.

   Gaaffiifi deebii CNN waliin taasiseen Roonaaldoon bara 2026 Waancaa Addunyaa irratti hirmaatu isa dhumaa ta'a jedhamee gaafatamee akkas jedhe: "Dhugaadha, eeyyee. Umuriin koo waggaa 41 ta'a, [kun] yeroon dorgommii guddaa kana keessatti ta'a jedheen yaada."

   Kilabiisaa Sa'ud Arabiyaatti Al-Nassr waliin kan taphataa jiru Roonaaldoon, biyyasaaf sadarkaa idil-addunyaatti goolii 143 galchuun taphataa adda duree yoo ta’u, waliigala goolii lakkoofsise 1,000 guutuuf kaayyeeffatee hojjechaa jira.

2. 11 Sadaasa 2025Walta'insi biyyoota Galaana Diimaa Itoophiyaa moggeesse shaakala waraana galaanaarraa eegale

   

   Madda suuraa, Aharam Online

   Walta'iinsi biyyoota Galaana Diimaa Masrii fi Sa'ud Arabiyaan ijaaraaman kan 'Red Wave 8' jedhamuu fi hirmaannaa biyyoota biroo afurii qabu shaakala waraanaa galaanaa waloon eegalan.

   Shaakalli waloo kun humnoota galaanaa Masrii, Sa'udii, Joordaan, Sudaan, Yaman fi Jibuutii irraa hirmaataniin kaleessa eegaluu isaa dubbi-himaan waraana Masrii beeksisuu miidiyaan biyyatti Ahram online gabaasera.

   Leenjiin kun guyyoota hin murtoofne hedduuf kan turu yoo ta'u, barnoota ti'oorii fi qabatamaa walitti fufiinsaan humnoota hirmaatan hunda gidduutti kennamuun yaad-rimeewwan ergama waloon rawwachuurratti kan xiyyeeffate ta'a jedhame.

   Shaakala waloo Galaana Diimaa 'Wave 8' kun hojiiwwan waloo humna galaanaa karoorsuu fi raawwachuu, akkasumas leenjii balaa galaanaarra ga'u waloon qolachuufaa kan of keessatti hammatedha.

   Akka dubbi -himaan Raayyaa Ittisa Biyyaa Masrii jedhanitti, shaakalli waraanaa waloo kana humnoota hirmaatan gidduutti dandeettii fooyyessuu fi waljijjiirraa beekumsaa guddisuuf gumaacha ni qabaata.

   Shira Masrii Itoophiyaa dhiibu

3. 11 Sadaasa 2025Dhukaasa dhaabuun ji'a tokko booda jireenyi Gaazaa maal fakkaata?

   

   Madda suuraa, Moonaa

   Ji’a Waxabajjii keessa Israa’elii fi Hamaas Gaazaatti dhukaasa dhaabuuf yeroo walii galan, Moonaa al-Harazeen gammachuun imimmaan buusuu himti.

   Yeroo sanatti garuu waa'ee ilma ishee Yaazaan kan yeroo umuriin isaa waggaa 17 ajjeefame yaaduu jalqabde deebiteemmoo gadditi.

   "Waraana dhaabatus, yaadni ilma koo fi akkatan du'a isaa natti deddeebi'aa" jetti.

   Baakka itti baqattee gara kaaba Gaazaatti imaluun, naannoon sun akkamitti akka diigame argite. Haata'u malee, kun jalqaba ishee miti kana duras erga waraanni dhaabate jedhamee achii deebitee waraanni deebi'ee eegaluun yeroo lammaffaaf achi keessaa baqatte turte.

   Erga gara manaatti deebitee booda reeffa ilma ishee Yaazaan erga ajjeefamee waggaa tokko booda caccabaa gamoo keessaa baaftee awwalte. Amma akka dur maatii fi ollaa ishee waliin jireenya hoo'aa utuu hin taane qophaa ishee kan namni muraasni darbe darbee jiru keessa jiraatti.

   "Magaalaan keenya sun amma lafa onaa ta'eera bareedinni arguu hin jiru. Diigama malee homaa hin argitu, manneen smimmidhagoon sun amma daaraa ta'eera,"jetti.

   Manni isaanii Gaazaa bara 2024 irraa eegalee gara waggaa 20f jiraachaa turte caccabaa isaa jala jiraachu itti fufteerti.Bakka jiraatan qofaa utuu hin taane waanti nyaatan, uffatan hunduu rakkoodha. Deeggarsi akka barbaadamutti idsaan gahaa hin jiru.

   Kun jireenya fi godaannisa Moonaa qofa utuu hin taane ummataa Gaazaa gamoowwaan caccabaa jala dahatanii jiraatan hedduuti.

4. 11 Sadaasa 2025Sa'udiin xiyyaara waraanaa US F-35 bitachuun maaliif Israa'el yaaddesse?

   

   Madda suuraa, Getty Images

   Hariiroo Ameerikaa fi Sa'uudii Arabiyaa gidduu jiru keessatti dhimmoonni barbaachisoo hedduun kanneen akka waliigaltee nageenyaa fi Israa'el waliin hariiroo uumuu irratti yeroo baay'ee mari'atamaa turaniiru.

   Mootiin gonfoo Sa'udii Mohaammad Bin Salmaan yeroo dhiyootti Ameerikaa ni daawwatu jedhamee eegamuun, dhimmi Sa'uudii Arabiyaan xiyyaarota waraanaa F-35 Ameerikaa irraa bitachuu ishee deebi'ee ijoo dubbi taa'eera.

   Ministeerri Waraanaa Ameerikaa waliigaltee doolaara biliyoona hedduutti tilmaamamu raggaasisuu fi waliigaltee kanaan Saawud Arabiyaan xiyyaarota 48 US irraa akka bittu beeksisteerti.

   Kun ammoo Israa'el irraba dhorkeera.

   Yaaddoo Israa'el waliigaltee kana irratti qabdu maali?

5. 11 Sadaasa 2025Riyaal Maadirid Doominik Sooboslaay barbaada

   

   Madda suuraa, Getty Images

   Riyaal Maadiridii fi Maanchister Siitiin taphataa Liiverpuul Doominik Sooboslaayiin mallattesisuu barbaadu.

   Filoriyaan Wiirz yeroo mallattesisu Liiverpuul lakkoofsa 10 bakka Sooboslaayi taphatu irra isa taphachiisuuf waadaa galaniifii ture.

   Wiirz bakka sanatti gahumsa irraa eegamu agarsiisuu dadhabus Arne Isloot Sooboslaayiin bakka adda addaa irra taphachiisaa turan.

   Ittisa cinaa dabalatee sarara gidduu hundarra taphachaa ture. Kun taphatichi akka kilebicha gadhiisuuf dirqisiisuu mala.

   Taphataan Maanchister Yuunaayitid Koobii Meeyinuu ergisaan kilebicha keessaa bahuu barbaada.

   Naappoliin Meeyinuu ji'a Amajjii kanatti mallattesisuu barbaada. Miiltoon isaa duraanii Iskoot MaakToominee akka Maayinuu mallattesisan barbaada.

   Maanchister Yuunaayitid Amaad Diyaaloo fi Biriyaam Embuumoo Waancaa Afrikaaf taphachuu waan deemaniif ni rakkata. Kanaaf Meeyinuu fi Ziirkizee gadhiisuu hin barbaadu.

   Riyaal Maadirid Viinishiyes Juuneriif kontiraata haaraa kennuu barbaada. Garuu taphatichi miindaan isaa hanga Kiliyaan Imbaappee akka tahuuf fedha.

   Kilebichi kanatti waan walii hin galleef ganna dhufu gurguruu danda'a jedhamaa jira.

6. 11 Sadaasa 2025Dubartiin Chaayinaa biitkooyinii paawundii biiliyeena shan baasu saamuun Landanitti badde hidhaan itti muramuufi

   

   Madda suuraa, Metropolitan Police

   Dubartiin Chaayinaa inveestarootaafi abbootii qabeenyaa biyyattii gowwoomsuun kiriptookaransii paawundii biiliyeena shan baasu saamuun shakkamtee Landanitti badde torbee kana hidhaan itti muramuuf jedha.

   Dhaabbata dhuunfaa akka qabduufi abbootiin qabeenyaa Chaayinaa kiriptookaransiin inveest akka godhan erga gootee booda maallaqa paawundii biliiyenaan lakkaa'amu saamuun Landan keessa dhokattee jiraachuu akka eegalte ibse poolisiin UK.

   Gabaasi poolisii akka ibsutti, lammiileen Chaayinaa 100,000 ol dhabbata dubartii kanaatti inveest godhaniiru. Saamicha kiriptookaransii akka addunyaatti guddaadha jedhame kan raawwachun kan shakkamte dubartiin Chaayinaa Qiyaan Zhimiin Landan keessa mana qaalii kireeffattee osoo jiraataa jirtuu bara darbe poolisiin to'annoo jala oolche.

   Qabeenya saamteen manneen qaqqaalifi qabeenya biraa Landan keessaa bituuf iyyaafataa akka turtes ibse poolisiin.

   Namoonni dubartii kanaan saamaman tokko tokko BBCtti akka himanitti, isheen murtiitti dhiyaachuu hordofee maallaqisaanii saamame hangi tokko deebi'uufii akka danda'u abdii qaban ibsan.

   Dubartiin ganna 47 saamicha kiriptookaransii akka addunyaatti guddaadha jedhameen himatamte kun Landan keessa mana gatii qaalii ji'aan paawundii 17,000 kaffaltee osoo jiraattuu poolisiin to'annaa jala oolche.

7. 11 Sadaasa 2025Somaaliilaandiifi Puuntilaand e-viizaa Somaaliyaa hin fudhannu jedhan

   

   Madda suuraa, Getty Images

   Somaalilaand e-viizaa imaltoonni Somaaliyaa irraa argatan gara daangaashee seenuuf seera-qabeessa akka hin taane himte.

   Ministeerri Immigireeshiniifi To'annoo Daangaa Somaalillaand ibsa jalqaba torbee kanaarratti baaseen imalaan e-viizaa Somaaliyaa qabatee garas deemu akka darbee daangaa seenuu hin dandeenye ibseera.

   Haaluma wal-fakkaatuun Puuntilaandis e-viizaa Somaaliyaa kana akka hin fudhanne beeksiftee jirti.

   Somaaliyaan hojimaata immigireeshinii ammayyeessuuf jecha imaltoonni garas deeman e-viizaa akka qabaatan Fulbaana 2025 keessa kan beeksifte.

   Somaaliilaandiifi Puuntilaand garuu imaltoonni daangaa isaaniitti otoo hin darbiin akkuma to'annoo daangaarra gahaniin viizaa argachuun dirqama jedhaniiru.

   Somaaliilaand xayyaaroti Ministeera Aveeshinii isheerra eeyyama hin argannee daangaa qilleensaa isheerra akka hin balaliines dhorkiteetti.

   Waajira Immigireeshinii Somaaliyaa irraa dhimma kanarratti deebii argachuuf gaafannus hin mikoofne.

8. 11 Sadaasa 2025Tiraamp BBC irratti tarkaanfii seeraa akka fudhatu akeekkachiise

   

   Madda suuraa, Reuters / AFP via Getty Images

   Haasaan Tiraamp dookumentarii BBC Panaroomaa irratti akkaataan itti soroorfame komii kaasuu hordofee Tiraamp "maqa balleessiin" BBC irratti himannaa seeraa akka banu akeekkachiise.

   Gareen seeraa Tiraamp xalayaa BBCf ergeen dookumentarii haasaa Tiraamp akka hin malletti dhiyeesserratti hanga Sadaasa 14tti deebii quubsaan hin kennamu taanan himannaan dolaara biliyeena tokkoo ni banama.

   Haasaa Tiraamp Amajjii 6, 2021 taasiserratti akkaataan BBC Panarooman itti dhiyeesse akka waan uummanni bahee Kaappitaal Hiil haleelutti fakkeeffameeti jechuuni komiin kan dhiyaate.

   Hojii gaggeessitoonni BBC sababa kanaan aangoo gadhiisaa jiran Dibooraa Tarnis fi Tiim Deevii BBCn akka dhaabbataatti "inistituushinii looguu miti" jechuun falman.

   Gareen seeraa Tiraamp xalayaa Dilbata darbe BBCf ergeen dhaabbanni BBC ifatti dhiifama akka gaafatuufi maqaa pirezidaantii Ameerikaa badeef "beenyaa madaalu akka kaffalu" gaafate.

   Dabaluunis, BBCn waa'ee Tiraamp "odeeffannoo sobaa, maqa balleessiifi hiika hin malle kennuu gabaasera" jedha xalayichi.

   BBCn gaaffii gareen seeraa Tiraamp dhiyeesse kanneen hin guutu taanan, maqaa balleessiidhaan himannaa dolaara biliyeena tokkoo akka irratti banu akeekkachiisera.

9. 11 Sadaasa 2025Ashamaa! Tamsaasa kallattii har'aa eegalle

   Dhimmoota wayitaawaa addunyaafi biyyi irraa haasa'an jala, jalaan isin biraan geenya.

   Nu faana bu'aa!

10. 10 Sadaasa 2025Tiraamp BBCn maqaa koo balleesse jechuun beenyaa dolaara biliyeena tokkoon himachuufi

    

    Dookumentarii BBCn hojjatee ture keessatti haasaan Tiraamp akka hin taanetti dhiyaatee ifa bahuu booda Tiraamp beenyaa dolaara biliyeena tokkoon BBC akka himatu beeksise.

    Abukaatonni Tiraamp himannaa BBC irratti akka banuuf akka jedhan miidiyaaleen US gabaasaa jiru.

    Haasaa Tiraamp akka hin malletti dhiyeessuu isaaf BBCn ifatti dhiifama gaafatus, Tiraam tarkaanfii seeraa fudhachuu akka barbaadu ibse.

    BBC Panaroomaa waggootan dura dookumentarii hojjate keessatti haasaa Tiraamp walitti suphuun akka hin taanetti dhiyeessee akka ture miidiyaan UK ifa baasuu hordofee gaggeessaa olaanaa BBC kan ta'e Tiim Deeviis fi itti gaafatamtuu olaantuun damee oduu Deeboraa Turnes fedhiisaaniin aangoo gadi dhiisaniiru.

11. 10 Sadaasa 2025Mana sirreessaa Ikuwaadoor keessatti sirreeffamtoonni hedduun fanniifamanii argaman

    

    Madda suuraa, LUIS SUAREZ/AFP via Getty Images

    Mana sirreessaa kibba Ikuwaadoor keessatti argamu tokko keessatti yoo xinnaate sirreeffamtoonni 31 du'anii argaman. Sirreeffamota kanneen keessaa 27 kan ta'an fanniifamanii argamutu ibsame.

    Magaalaa Maachaalaa, mana sirreessaa L Orojedhamu keessatti kaleessa sababii waldhabdee gareewwan yakkaa faallaa lama jidduutti umameen sirreeffamtoonni 4 yoo du'an 30 irra ammoo miidhaan qaqabeera.

    Waldhabdichi umamee sa'aatiiwwan keessatti wal dhabdeen gara biraa ka'udhaan sirreeffamtoonni 27 fanniifamanii argamaniiru. Sirreeffamtoonni reeffii isaanii humnoota nageenyaatiin argame kunneenis darbee mana sirreessaa sadaffaa jalaa keessatti akka argame ibsame.

    Waldhabdeewwan manneen sirreessaa Ikuwaadoor keessatti ka'an dabalaa kan dhufe yoo ta'u, waggaa darbes sababii waldhabdee gareewwan yakkaa jidduutti mudateen sirreeffamtoonni dhibbaan lakkaa'aman ajjeeffamaniiru. Sirreeffamtoota keessaa kan murtaa'an gara mana sirreessaa dhiheenya ijaarameetti akka dabarfaman erga ibsame booda gareewwan yakkaa jidduutti wal dhabdeen ka'u akka eegale bulchiinsi mana sirreessaa biyyattii beeksiiseera.

    Mana sirreessaa kana keessaatti walakkeessa Fulbaanaa irratti gareewwan yakkaa jidduutti wal dhabdee umameen sirreeffamtoonnii fi waardiyyaan mana sirreessichaa ajjeeffamaniiru. Maatiiwwan sirreeffamtootaa eegumsi mana sirreessichaa akka cifamuuf akeekkachiisaniiru.

    Jiraattoonni magaala Maachaalaa bakka manni sirreessaa kun keessatti argamu, manni sirreessichaa magaalaa keessaa akka bahuuf gaafataniiru. Mootummaan pirezidanti Daani'el Nooboo'aa jalqaba bara 2025 irratti akka beeksiisaniitti, manni sireessaa eegumsi cimaan taasiifamuu fi Saantaa Eliinaa jedhamu ijaarameera.

    Manni sireessaa L Inkunaatro jedhamu haraan dhuma baatii kanaarratti hojii ni eegala jedhamee eegama. Gareewwan yakkamtootaa jeequmsawwan manneen sirreessaa biyyattii keessatti ka'aniif itti gaafatamoodha. Keessattuu gareewwan yakkaa Loos Loobos fi Loos Choonaroos Ameerikaadhaanu garee shororkeessaa jedhamuun farajamaniiru.

12. 10 Sadaasa 2025Pirezidaantiin duraanii Faransaayi maallaqa Gadaafii irraa fudhate jedhamuun dhiyeenya hidhaan itti murame mana hidhaatii bahuufi

    

    Madda suuraa, Reuters

    Pirezidanatiin duraanii Faransayi Nikoolaas Saarkoozii bara aangorra ture Mohaammar Gadaafii irraa mallaqa guddaa fudhate jedhemuun dhiyeenya hidhaan waggaa shanii itti murame mana hidhaatii bahuuf jedha.

    Yeroo pirezidaantii Faransaayi ture Saarkooziin filannoo mo'achuuf jecha gaggeessaa duraanii Liibiyaa Mohaammar Gadaafii irraa maallaqa miliyeenan lakkaa'amu fudhachuun himatamee ji'a tokko dura manni murtii Faransaayi hidhaa waggaa shaniin isa adabe.

    Haa ta'u garuu, mana hidhaatii bahee hordoffii seeraa jala akka jiraatu manni murtii ajajeera.

    Nikoolaas Saarkoozii mana hidhaatii akka bahu kan murtaa'e oliyannoo abukaatonnisaa gaafataniini.

    Saarkooziin turtii torban sadiif mana hidhaatti dabarse ilaalchisee yoo gaafatamu, "abjuu natti fakkaata" jechuun deebise.

    Saarkooziin guyyaa himannaan irratti dhiyaatee kaasee yakka homaatuu akka hin qabaannefi Mohaammar Gadaafii irraas maallaqa filannoof jecha fudhatee akka hin beekne waakkataa ture.

13. 10 Sadaasa 2025Soriyaan yaalii ajjeechaa ISIS Pirezidaant Al-Shaaraa irratti gaggeesse fashalsuu ibsite

    

    Madda suuraa, Reuters

    Yaalii ajjeechaa gareen IS pirezidaantii Sooiyaa Ahmad Al- Shaaraa irratti gaggeeffame fashalsuu Sooriyaan beeksifte.

    Qondalota mootummaa Sooriyaa waabeffachuun Rooyotars akka gabaasetti, gareen IS si'a lama yaalii ajjeechaa pirezidaantii Sooriyaa irratti gaggeessera.

    Yaaliin ajjeechaa kun yeroo Prezidaant Ahmad Al-Shaaraan Sooriyaa keessatti bulchiinsa isaa cimsataa jiruufi hawaasa idiladdunyaa birattis fudhatamummaansaa dabalaa dhufeetti.

    Gareen IS yaalii ajjeechaa kana yeroo garaa garaatti kan yaale yoo ta'u, kan lammataa osoo Pirezidaant Ahmad Al-Shaaraan osoo gara US deemuun Pirezidaant Tiraamp waliin marii hin gaggeessin duraadha.

    Ahmad Al-Shaaraa waraana waliinii waggaa 10 oliif Sooriyaa keessatti gaggeeffame booda mootummaa Sooriyaa irratti haleellaa waraanaa torban muraasa qofa ture gaggeessuun aangoo qabate.

14. 10 Sadaasa 2025"Gogaan koo qunca'aa ture" -Dubartoota Afrikaa diroonii Raashiyaa hojjechuuf dirqaman

    

    Adaan guyyaa hojii ishee jalqabaa dogoggora guddaa akka hojjette hubatte.

    "Yuunifoormiin nuuf kenname. Maal hojjechuuf akka ta'ellee sirritti hin beeknu turre.

    Guyyaa jalqabaa gara warshaa diroonin itti omishamutti geeffamne. Keessa deemnee namoota diroonii hojjetan ilaalle. Achirraa gara hojii biraatti nu geessan."

    Sana booda waan isaan hin eegne isaan mudate. Asiin dubbisaa.

    "Gogaan koo qunca'aa ture" -Dubartoota Afrikaa diroonii Raashiyaa hojjechuuf dirqaman

15. 10 Sadaasa 2025Dhangala'aan funyaan keenya keessaa bahu waa'ee fayyaa keenyaa maal hima?

    

    Madda suuraa, Getty Images

    Dhangala'aan ykn furriin funyaan keenya keessaa bahu gama fayyaa keenya eeguun shoora guddaa akka qabu beektuu? Kana malees halluun dhangala'aa kanaa haala fayyaa keenyaa hubachuuf akka fayyadu hoo beektuu?

    Giriik durii keessatti furriin fayyaafi namummaan namaa wal-madaalchisuuf dhangala'aa shoora qaban keessaa tokko akka tahe himama

    Hakiimtichi Hippookiraatas hancuufa, dhiiga, hadhooftuu keelloo fi gurraacha jechuun yaad-rimee ''Hiwuumaras'' jedhamu uume.

    Dabalata isaaf; Dhangala'aan funyaan keenya keessaa bahu waa'ee fayyaa keenyaa maal hima?

16. 10 Sadaasa 2025njifannoo Maanchister Siitii Arsenaaliin bir'achiise

    

    Madda suuraa, Getty Images

    Peep Gaardiyoolaan erga leenjisummaa jalqabee taphoota 1000ffaa isaa injifannoon goolabe. Itihaad irratti Liiverpuuliin kan keessummeesse Maanchister Siitiin injifannoo guddaa galmeesseera.

    Galchii Haalaand, Dookuu fi Gonzaaleziin Liiverpuul kan bara kana kallattiin harkaa badaa jiru mo'atan.

    Injifannoon kun qabxii sadii argachuun garasitti ilaalama. Haalaand yeroo jalqabaaf tapha Vaan Daayik waliin walitti isa fide mo'ate.

    Garuu taphni kun maaliif Arsenaalitti naasuu guddaa uume? Asiin dubbisaa.

    Injifannoo Maanchister Siitii Arsenaaliin bir'achiise

17. 10 Sadaasa 2025Gujiitti hojiirraa dhorkamuun waldaalee albuudaa komii kaase

    

    Madda suuraa, Komunikeeshinii

    Gujiitti hayyamni waldaalee albuuda oomishanii 49 haqamuun namoota kuma 49 ta'an hojii malee hambisuun komii kaase.

    Xalayaan Abbaa Taayitaa Misooma Albuuda Oromiyaatiin Hagayya 16 bara 2017 ALI barreeffame waldaaleen oomisha albuuda irratti sadarkaa IMX fi SSS'tiin gurmaa'anii hojjechaa jiran hayyamnisaanii waan haqameef torban lama keessatti qabeenya isaanii fudhatanii akka bahan ajaja.

    Abbaan taayitichaa xalayaan hayyama waldaalee haqu barreessuun dura yeroo lama koree waldaalee albuudaa waliin marii gaggeessuu himu hoggantoonni waldaalee maricharratti hirmatan. Murteen dhumarratti waldaalee hojii dhaabsise garuu fallaa marii duraanii ta'uus dubbatu.

    Gabaasa guutuuf; Gujiitti hojiirraa dhorkamuun waldaalee albuudaa komii kaase