BBC News, Afaan Oromoo
Qabiyyeetti darbi

Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.

Gara fuula marsariitii guutuutti na geessi

Filannoo daataa qusatu fayyadamu kanarratti hubannoo dabalataaf

‘Filannoon biyyaalessaa yeroosaa eeggatee adeemsifama’ - MM Abiy Ahimad

“Mootummaan filannoo gochuuf humna guutuu qaba” kan jedhan MM Abiy, filannoon biyyaalessaa 7ffaa filannoo fooyyee akka ta’ufi yeroosaa eeggatee akka adeemsifamu dubbataniiru.

Guduunfaa

  • Akkaataan Itoophiyaan ulaa galaanaa itti dhabde rakkoo seerummaa akka qabu MM Abiy himaniiru. Murteen Itoophiyaan ulaa Galaana Diimaa akka dhabdu taasise kaabinee waqtii sana tureen kan hin murtoofne ta'uu himan.
  • 'Filannoon biyyaalessaa yeroosaa eeggatee adeemsifama' - MM Abiyy Ahimad
  • MM Abiy hidhattoota naannolee Oromiyaafi Amaaraa keessa socha'an ilaalchisuun waan jedhan
  • 'Bara kana galiin birrii tiriiliyona 1 akka ta'u egama' -MM Abiy
  • "Barri darbe seenaa keenya keessatti sharafa alaa olaanaa kan itti argannedha"
  • Manni-maree Bakka Bu'oota Ummataa 6ffaa waggaa 5ffaa yaa'ii idilee 2ffaa gaggeessuu eegale
  • Gaaffii ijoon miseensonni Paarlaamaa MM Abiy akka deebisuuf kaasaa jiran
  • Koolugaltoonni UK kaampiiwwan waraanaa keessa akka qubatan tahuufi
  • Tiraamp hariiroon US-Jaappaan 'bara warqee' haaraa keessa seenuu labsan
  • Masiriifi Fannoon Diimaa reeffa namoota butamanii Gaazaa keessa barbaaduuf walta'an
  • Finciltoonni waajjira muummee waraana Sudaan magaalaa murteessituu keessa jiru qabachuu himan
  • Israa'el reeffa Hamaas kan namoota butamanii Gaazaa keessa turaniiti jette fudhatte
  • Whatsapp , marsariitiin , YouTube akkasumas Facebook irratti nu hordofaa

Haguuggii Tamsaasa Kallattii

  1. Israa'el reeffa Hamaas kan namoota butamanii Gaazaa keessa turaniiti jette fudhatte

    Israa’el karaa Fannoo Diimaatiin saanduuqa Hamaas reeffa nama butamee Gaazaa keessa tursiifameeti jedhe biraa fudhate.

    Humni Ittisaa Israa’el (IDF) akka jedhetti, loltoonni isaa saanduuqa reeffa qabate kana Gaazaarraa gara qorannoo foorensikii eenyummaa reeffichaa adda itti baasan Israa’elitti deebisaniiru.

    Reeffi kun kan namoota Gaazaatti butamanii kessaa ta’uu mirkanoofnaan, Hamaas reeffa Israa’elootaafi namoota biyya biraa waliigaltee dhukaasa dhaabuu dura qabatee ture 28 keessaa 16 deebisa jechuudha.

    Reeffi amma kenname kun erga mootummaan Israa’el miseensonni Hamaas daagaa Gaazaa keessa bakka IDF to’ate keessa seenuun haftee namootaa butamanii barbaaduu keessatti qodaalota Fannoo Diimaafi Masirii akka gargaaraniif hayyamee boodadha.

  2. Ashamaa! Tamsaasa kallattiin deebineerra.

    Akkam jirtu hordoftoota keenya? Toora ittiin odeeffannoo kallattiin isin biraan geenya kan guyyaa har'aa jalqabneerra.

    Ministirri Muummee Itoophiyaa Abiy Ahmad (PhD) har'a paarlaamaarratti dhiyaatanii gaaffilee miseensota mana-maree bakka bu'ootarraa ka'uu deebii ni kennu. Kaanis jala buunee hordofnee isin biraan geenya.

    Odeeffannoo biroo biyya keessaafi ollaa, akkasumas Baha Giddu-galeessaafi guutummaa addunyaa argattu.

    Dhiyaadhaa!