BBC News, Afaan Oromoo
Qabiyyeetti darbi

Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.

Gara fuula marsariitii guutuutti na geessi

Filannoo daataa qusatu fayyadamu kanarratti hubannoo dabalataaf

Dooniin waraanaa Iraan Sirilaankaa qarqaratti dhidhimtee namoonni 140 bakki ba'an dhabame

Israa'el sirna awwaalchaa Ayaatollaa Alii Kaameenii booda hogganaa olaanaa bakka bu'u irratti xiyyeeffachuun haleellaa akka raawwattuu fi hoggansa bakka bu'u hunda adamsuun akka ajjeestu dhaadatte.

Guduunfaa

  • Sa'ud Arabiyaa haleellaa Iraaniif deebii kennuuf qophiidha jette
  • Waraana US-Israa'el fi Iraaniin lammiileen Iraan 1000 ol ajjeefaman
  • Buufanni CIA Sa'ud Arabiyaa jiru dirooniin haleelame
  • 'Ameerikaa fi Israa'el irratti balballi si'ool banamuuf jira' - Iraan
  • Xiyyaarota waraanaa Ameerikaa sadan eenyutu haleele ? Akkamitti ?
  • Israa'el haleellaa haaraa Iraan irratti banatte, US loltoota jalqabaa waraana kanaan ajjeefaman adda baaste
  • Odeessaalee nuti qixeessine dabalataan argachuuf marsariitii, YouTube, WhatsApp fi Facebook keenya seenaa!

Haguuggii Tamsaasa Kallattii

  1. Waraana US-Israa'el fi Iraaniin lammiileen Iraan 1000 ol ajjeefaman

    Maddi oduu Iraan keessa jiru- Human Rights Activists News Agency (HRANA) jedhamu erga US fi Israa'el Guraandhala 28, 2026 Iraan irratti haleellaa eegalanii lammiileen biyyattii 1,097 ajjeefamuu gabaase.

    Kanneen keessaa 181 daa'imman umriinsaanii waggaa 10 gadiiti jedhe jaarmiyaan kun.

    Akka jaarmiyaa kanaati lammiileen waraana kanaan miidhaman 5,402 yoo ta'an kanneen keessaa 100 kan ta'an daa'immani.

    Akka maddi oduu kun gabaasetti sa'atii 24 darbe keessatti yoo xiqqaate haleellaawwan 104 ta'an raawwatamaniiru.

    Haleellaawwan kunneen buufataalee waraanaa, giddugala fayyaa fi iddoowwan jireenyaa irratti xiyyeeffatan.

    Lakkoofsi namoota du'anii ammallee hedduun osoo hin baramin jiraachuu gabaase maddi oduu kun.

  2. Buufanni CIA Sa'ud Arabiyaa jiru dirooniin haleelame

    Dhaabbanni basaasaa Ameerikaa, CIA, Sa'ud Arabiyaa jiru haleelamuu miidiyaan US gabaase.

    Embaasii US Sa'ud Arabiyaa jiru cinaatti kan argamu buufanni CIA kun Wixata ture kan haleelame.

    US fi Sa'ud Arabiyaa dirooniiwwan lama gamoo embaasii Riyaad jiruu haleeluu mirkaneessaniiru, garuu buufata CIA kanarratti xiyyeeffatamuu wanti agarsiisu hin turre, akka Roohitars gabaasetti.

    Haleellaan kun baaxii Embaasichaas gama tokkoon kan diige" yoo ta'u, aarri keessa isaa akka malee "faaluu" Waashingiteen Post akeekkachiisa Ministeerri Dhimmaa Alaa baase eeruun gabaaseera.

    Embaasiin kun "miidhaan guddaan" waan irra gaheef hojjetoonni "bakkuma jiranitti akka dahatan" itti himamuu gabaasni kun mul'iseera.

    Biyyoonni Galoo Galaanaa michoota US ta'an daafoo haleellaa Iraaniin goolamaa jiru

  3. ASHAMAA!

    Akkam jirtu hordoftoota keenyaa?

    Toora tamsaasa kallattiin oduu waraana US-Isra'el fi Iraan hordofee waan Baha Giddugaleessaafi guutummaa addunyaarratti ta'aa jiru isin biraan geenyu jalqabneerra.

    Odeessaalee nuti qixeessine dabalataan argachuuf marsariitii, YouTube, WhatsApp fi Facebook keenya seenaa!

    Turtii Gaarii!