BBC News, Afaan Oromoo
Qabiyyeetti darbi

Kan argaa jirtan oduu barreeffamaan qofa marsaritii keenya daataa xiqqaan hojjetudha. Fuula isa guutuu suuraaleefi viidiyoowwan qabate banadhaa.

Gara fuula marsariitii guutuutti na geessi

Filannoo daataa qusatu fayyadamu kanarratti hubannoo dabalataaf

'Hamma mootummaan Ce'umsaa hundaa'utti' Venezuweelaa 'Ameerikaatu gaggeessa'- Tiraamp

US Pirezidantii Venezuweelaa Nikolaas Maduuroo to'achuun gara biyyasheetti erga fudhattee booda daddabarsa qoricha sammuu hadoochuun himatte.

Guduunfaa

  • Oduuf xinxalaaf Marsariitii, Facebook, Whatsapp fi YouTube keenya mil'adhaa
  • Sagaleen dhohiinsaa guddaan magaalaa guddoo Venezuweelaa keessatti dhagahame
  • Iraan akeekkachiisa Tiraamp hiriira mormii biyyattii ilaalchisuun dabarse kuffiste
  • Siwiizarlaanditti balaa abiddaa bakka bashannanaatti mudateen namoonni 40 ta'an du'an
  • Al-Shabaab Sumaalonni Israa'el loluuf akka qophaa'an waamicha dhiheesse
  • Iraanitti hiriirtonni gamoo waajjira mootummaa humnaan cabsanii seenuuf yaalan
  • Turkiin handaara galaaaa Somaaliyaatii hojii boba'aa baasuu eegaluuf
  • Israa'el gartuuwwan gargaarsaa 37 Gaazaa keessaa ugguruuf
  • Maallaqni biyyattii gatii dhabnaan mormiin Iraanitti cime
  • Tiraamp mariin nagaa Gaazaa marsaan lammataa ''hatattamaan hojiirra oola'' jedhe
  • Israa'el Somaalilaandiif beekamtii kennuun Itoophiyaaf maal jechuudha?

Haguuggii Tamsaasa Kallattii

  1. 'Tiraamp buufataaleen waraanaa Zenuweelaa akka haleelaman ajaja dabarse'

    Waraanni US buufataalee waraanaa Venezuweelaa akka haleelu Tiraamp ajaja kennuu miidiyaan Ameerikaa CBS qondaalota olaanoorraa odeeffadhe jechuun gabaase.

    Haleellaa har'a magaalaa guddoo Venezuweelaa kan taate Karaakaas irratti gaggeeffame jedhameen buufanni xayyaaraa waraanaa La Carlota jedhamu haleelamuu viidiyoowwan miidiyaa hawaasaa irratti qoodaman ni agarsiisu.

    Venezuweelafi bulchiinsa Tiraamp gidduutti muddamni erga dhalatee bubbuleera.

    Pirezidaantiin Venezuweelaa Nikoolaas Maaduuroo qoricha sammuu adoochu gara UStti erga jechuun Tiraamp akeekkachiisaa ture.

    Bidiruuwwan qoricha sammuu adoochan haleelufi jechuunis dooniwwan waraanaa heddu gara Kariibiyaatti erguunis ni yaadatama.

  2. Waa'ee dhohiinsa Venezuweelatti dhagahamee US quba qabdu miidiyaan US ibse

    Sagaleen dhohiinsa guddaan magaalaa guddooo Venezuweelaa kessatti dhagahamuufi xayyaaronni waraanaa magalaattii marsaa akka jiran bulchiinsi Tiraamp quba akka qabu miidiyaan CBS maddeen irraa mirkaneeffadhe jechuun gabaase.

    Sagaleen dhukaasaa gurguddaan buufata waraanaa Venezuweelaa dabalatee bakkeewwan heddutti dhagahamuun gabaafamaa jira.

    Sagaleen dhohiinsaafi xayyaaronni waraanaa magaalaa guddoo Venezuweelaa marsaa jiraachuun alatti eenyu akka haleellicha raawwateefi xayyaaronni waraanaa kunneen kan eenyuu akka ta'an hanga ammaa hin mirkanoofne.

    Bulchiinsi Tiraamp daangaa Venezuweelaa irratti haleellaa gaggeessuu akka danda'u Tiraamp kanaan dura akeekkachiisuun ni yaadatama.

  3. Amma nu gahe, Sagaleen dhohiinsaa guddaan magaalaa guddoo Venezuweelaa keessatti dhagahame

    Sagaleen dhohiinsaa guddaan magaalaa guddoo Venezuweelaa kan taate Karaakaas keessatti dhagahame.

    Sagaleen dhohiinsa gurguddaa kan dhagahame buufata waraanaa biyyattii dabalatee bakkeewwan heddutti ta'uutu dhagahame.

    Tiraamp kanaan dura Venezuweelaa akeekkachiisuun isaa ni yaadatama. Bidiruuwwan qoricha sammuu adoochan Venezuweelaa irraa UStti geessu jedhurrattis haleellaa qilleensarraa erga eegalee bubbuleera.

    Haa ta'u garuu haleellaa magaalaa guddoo Venezuweelaa irratti gaggeeffame eenyu akka gaggeesse hanga ammaa waanti barame hin jiru.

  4. Akkam jirtu hordoftoota keenya?

    Tamsaasa kallattii kanaan haleellaa Venezuweelaa irratti eegalame, dhimma hiriira mormii Iraan, atakaaroo Sa'uudii fi UAE akkasumas dhimmoota addunyaa kaan isin biraan geenya.

    Nu hordofaa!

    Tamsaasa kallattii asiin duraa karaa kanaan seenuun ni argattu.