Украина уруши: Россия ва Украина 160 тадан жасадни ватанига қайтарди - Видео Rossiya Ukraina Bucha
Россия Украинага бостириб кирганидан кейин қанча одам ҳалок бўлганини аниқ айтиш қийин.
Икки томондан ҳам ўлган инсон шахсини аниқлаш ва ватанига қайтариш қийин, шунинг учун ҳам, Украина ҳукумати хабар қилишича, атиги 400 аскарининг жасади ватанига қайтарилган.
Шу йил февралида Россия қўшинлари шимолдан Украинага бостириб кирганида у ердаги қақшатқич жанглар Харьков шаҳри ва унинг атрофида кечди.
Алоқадор мавзулар
Ниҳоят Россия қўшинлари бу ердан сиқиб чиқарилганларидан кейин Харьков тинимсиз замбарак ва ракета ҳужумларига тутила бошлади.
Босиб олинган Харьков атрофидаги ва Россия чегарасига яқин жойлашган қишлоқлар озод этилди.
Бироқ Момотове қишлоғига элтувчи йўл уруш қолдиқларига тўла, тинч аҳолининг уйларига қайтишлари хатарли.
Одамлар қайтишларидан олдин Момотовени хавфсиз қилиш ишлари бажарилиши лозим.
Ва юзаки қабрларга кўмилган инсон жасадлари чиқариб олиниши керак.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
"Бу қишлоқ Россия босиб олган ҳудуд ичкарисида қолганди. Ҳалигача, орқада отишма овозлари эшитилиб турипти. Маҳаллий одамлар бу атрофдаги жангларда ўлдирилган Рус аскарларининг жасадларини қазиб олаяптилар. Жасадлар қопларга солинади ва ДНКлари намуналарини олиш учун олиб кетилади. Сўнг жасадлар Россияга қайтарилади", дейди ҳодиса жойидан Би-би-си мухбири Ваййе Дэвис.
Момотове қишлоғидаги бир қабрда устма-уст ташланган олти Россия ҳарбийсининг жасади топилди.
Жасадлар шахсини аниқлаш ва уларни Россияга қайтариш билан шуғулланадиган Украина бўлими ходими айтишича, қабрда топилган кийим бўлаги жасадлардан бирининг Росгвардия ходими бўлганидан далолат беради.
Бу инсонлар тириклигида Украинани мағлуб этиш учун урушган бўлсалар ҳам Гўрков Юрий уларнинг қариндошларига ачинади.
"Бу - қийин эмас, лекин ёқимсиз иш. Бу одамларни уйларида кутиб ётишипти. Оналари, оталари, болалари. Мен бу нарсани тушунаман, чунки ўзим Совет Армиясида хизмат қилганман", дейди Юрий.
Россия учун жанг қилаётган эркакларнинг айримлари Украинанинг Москвапараст ҳудудларидан келганлар.
Украина эҳтиёткорлик билан майитларнинг шахсини аниқлашга ҳаракат қилаётганини айтади.
Ҳозирча жасадлар темир йўл рефрижератор вагонларига тахлаб қўйилаяпти.
Жасадлар қайтарилаяпти, аммо онда-сонда.
"Биз кўп россияликларнинг жасадини топдик. Яқинда жанубда 160 жасадни алмаштирдик, лекин уларнинг аксари Харков минтақасидан топилганлар эди", дейди Украина жасадларни қайтариш бўлимидан подполковник Олександр Костенко.
Лекин ҳали уруш тугагани йўқ, ҳалок бўлганларнинг сони ортиб бориши муқаррар.
Ва икки тарафдан ҳам мотамдаги оилалар яқинининг жасадини сабарсизлик билан кутадилар.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
