Украина: Россия босқинига қарши урушга келаётган 10 минглаб хорижликлар кимлар? Видео
Сурат манбаси, Reuters
Қарийб 20 минг хорижлик кўнгилли Россия босқинига қарши Украина ҳарбий ҳаракатларига қўшилди. Бу ҳақда Украина расмийлари хабар бермоқда.
Ҳатто хорижлик жангчилар Мудофаа вазирлиги томонидан тузилган халқаро легионга қўшилиши мумкин бўлган веб саҳифа ҳам очилди.
Хабарларга кўра, сўнгги икки ҳафтада Украинада жанг қилиш учун келаётган кўнгиллиларнинг доимий оқими кузатилмоқда.
Польша-Украина чегарасида хавфсиз жойга интилиш билан урушга олиб борадиган йўл учрашади.
Таҳлил:
Алоқадор мавзулар:
Ҳар куни Украинага ўтаётган ва сони ортиб бораётган эркаклар ичида хорижликлар кўп. Уларнинг мақсадида битта - Россия босқинига қарши жанг қилиш.
"Бу Украина чегарасига энг яқин темир йўл вокзали. Бу ерда ҳар куни шу манзара такрорланади. Бир томонда Овропага Европага бошпана излаб келаётган аёллар ва болалар. Иккинчи томонда эса қарши томонга ўтаётган аксар эркаклар. Уларнинг кўпчилиги қўлига қурол олиб жанг қилишга тайёр эканлигини айтади", дейди Польша-Украина чегарасидан Би-би-си мухбири Парҳам Ғўбадий.
Биз учратган эркакларнинг кўпчилиги умрида қўлига қурол ушламаган. Айримлари бироз ҳарбий тайёргарликдан ўтган.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
"Бу ерда бўлаётганларни билиб, уйда қўл қовуштириб ўтиролмадим. Асосийси қаерга боришни биламиз. Маълум контакт рақамларимиз бор, кейин ўшанга қараб ҳаракат қиламиз. Бир йил Норвегия армиясида хизмат қилганман", - дейди норвегиялик кўнгилли Фредерик.
Фредерикнинг қуролдош дўсти Флориан Австриядан. Ватанида унинг оиласи қолган.
"Уйдагилар ҳар куни қаерда эканлигим, нима қилаётганимни сўрашади. Мен билан боғланиш учун телефон ишлаяптими, деб қизиқишади", дедйи Флориан.
Террор ё қаҳрамонлик?
Европа давлатлари ушбу хориж жангчиларига турли муносабатда бўлишмоқда.
Айримлар мамлакатлар ўз фуқароларининг Украинага боришига қарши эмас.
Бироқ Британия, масалан, чет элларга урушга кетганлар Бирлашган қиролликнинг аксилтеррор қонунчилиги бўйича жазога тортилиши мумкинлигини эслатмоқда.
Аммо европалик кўнгиллилар оқими тўхтаётгани йўқ.
Исмини ошкор қилишни истамаган бельгиялик кўнгилли фақат Украинани ҳимоя қилмаслигини айтади.
"Демократия хавф остида. Демократия, инсоният ва қадриятларни ҳимоя қилиш учун ҳаракат қилиш керак. Россия музей, меросларни йўқ қилишига йўл қўйиб бўлмайди. Буларнинг ҳаммаси вайрон бўлишига қараб туриб бўлмайди".
Ўтаётган ҳар бир кун Украинадаги уруш кўплаб инсонларнинг ҳаётини ўзгартириб юбораётганини кўрсатади.
Чегарада кўз ёшли хайрлашувлар ва қувончли дийдорлашувларнинг гувоҳи бўлиш мумкин.
Бироқ Украинага ўтаётган хорижликларнинг қачон ўз қадрдонлари бағрига қайтиши номаълум.
Telegram каналимиз: https://t.me/bbcuzbek
BBCUZBEK.COM билан Telegram орқали +44 7858860002 номери билан боғланинг.
