Video: Украиналиклар бомбалар ёмғири остида қочишмоқда - Уруш ва Тинчлик, Россия Ukraina yangiliklar

Россия Украинанинг йирик ва стратегик жиҳатдан муҳим шаҳарларига ҳужумларини тўхтатмаётир. Пойтахт Киев яқинидаги Ирпень шаҳри эса, Россиянинг "даҳшатли" бомбардимони остида қолгани айтилмоқда. Агар Россия бор кучини ишга солса, аҳвол бундан ҳам ёмон бўлиши мумкин, деган қўрқувлар бор.

Россия аскарлари пойтахт Киев томон одимларкан, ушбу минтақадаги бошқа туманлар ҳам оғир ҳужумлар остида қолган.

Украина ҳарбийлари Москва пойтахт Киевга ҳужум қилиш учун ҳарбийларини шай ҳолатга келтирганидан огоҳлантирган.

Россиянинг тинмай бомба ёғдириши Украининг жанг қилиш иродасини синдириши мумкин, аммо ҳозир эмас.

Улар ҳаракатда давом этиши керак. Бу оила сўнгги дақиқаларгача кетмади.

Алоқадор мавзулар:

Савол ва жавоб. Киев: Украина нега Россия ҳарбий карвонига ҳозиргача зарба бермади? Ғарб нега аралашмаяпти? Уруш асирлари ҳам борми?

Уруш бўлаётган бўлса-да уйни ташлаб кетиш бу катта қадам. Қочқинлар пойтахт Киев томон ҳаракатланишмоқда. Шаҳардан 15 чақирим узоқликда деярли ҳеч қаер бузилмаган.

Ўрта ёшли аёл барча аёлларга хос назокат билан сайлгоҳга қадам ташлайди.

Аслида эса улар Украина ва Россиядаги барча каби қоронғу келажак сари кетмоқда.

Украин аскарлари Ирпенга қайтиб келди, шунинг учун одамлар бу шаҳарни тарк этмоқда.

Журналистлар жабрланганларга ёрдам беришга ҳаракат қилди.

Икки фарзанд, ота ва онадан ташкил топган оила яна бир бомб келиб тушишидан ҳалок бўлди.

Бу шаҳарнинг ичи эди. Россия ҳужумларини жонлантиришга ҳаракат қилиш учун уни нишонга олди.

Оддий одамлар Россия Ирпинни олган тақдирда ҳаракатини секинлаштириш учун портлатиб юборилган кўприк қолдиқларидан ўтиб келмоқда.

Тинч аҳоли уруш қонунлари билан ҳимояланган бўлиши керак.

Россия бомбалари жуда яқин жойга тушаётганди. Тўхташ чора эмас.

"Мен яхшиман, кетдик", дейди ҳозиргина бомба келиб тушишидан сўнг ерга йиқилган қария.

Ногирон эркак дарёнинг тик қирғоғига ўзи чиқолмади.

"Оғир қуроллардан мунтазам равишда отишяпти. Атрофда жуда ҳам кўп тинч аҳоли бор. Оилилар чиқиб келишмоқда. Мана бу аёл итини эргаштириб келмоқда. Бу россияликлар қўли етган шаҳарнинг чети", дейди Би-би-си мухбири Жереми Бовен.

Оддий одамлар ўт очилаётган чизиқда эди. Балки Россияликлар шу яқин атрофда фаол бўлган Украин тўпларини нишонга олган бўлиши мумкин.

Жабрланганлар ва эвакуация қилинганлар шаҳардан бир чақиримлик масофадаги йиғилиш нуқтасига олиб кетилаётган эди.

Улар ҳамон Россия қуроллари етадиган жойда, аммо ҳозирча нисбатан хавфсиз.

Совет армиясида 30 йил хизмат қилган 85 ёшли Владимир оиласини олиб чиқди.

"Кўп йил хизмат қилдим. Ҳозир бу фашистларни майдалаб ташлаган бўлардим. Улар бесабаб одам ўлдиришяпти. Бу жуда оғриқли", дейди у.

Чиқиб кетаркан, одамлар тасалли учун ўзлари билан энг қадрли нарсалар, кучукча, уй ҳайвонларини олиб олишган.

Қочқинлар пойтахтга қараб юришди. Бу қўрқинчли кун эди.

Бироқ Россия ҳарбийлари ярим кучи билан ҳаракат қилмоқда.

Агар улар тўлиқ жанг қилишга ўтишса, бундан ҳам даҳшатли кунлар кўпайиши мумкин.

BBCUZBEK.COM билан Telegram орқали +44 7858860002 номери билан боғланинг.

Telegram каналимиз: https://t.me/bbcuzbek