Россия. Украина уруши: Аксарият украиналик Россияга бас келишларига ишонади, Зеленскийнинг обрўйи кескин кўтарилиб кетди Rossiya Ukraina Dunyo Yangiliklar
Сурат манбаси, Getty Images
Украинада уруш кунларида ўтказилган янги сўров натижалари эълон қилинди.
Янги сўров натижаларига кўра, 70 фоиз украиналик Россияга бас келишларига ишонади.
Айни мақолада Google YouTube томонидан тақдим қилинган контент мавжуд. Биз бу контент юкланмасидан аввал сизнинг розилигингизни сўраймиз, чунки улар куки ва бошқа технологиялардан фойдаланган бўлиши мумкин. Сиз Google YouTube ҳаволасида кукиларга доир ва шахсий маълумотларга оид қоидалар ҳақида аввал ўқиб, кейин қабул қилишга рози бўлишингиз мумкин. Кўриш учун “қабул қилиш ва давом этиш”ни танланг.
Охири YouTube пост
Таҳлил:
Алоқадор мавзулар:
Бугун Россия урушининг олтинчи куни.
Украина Россияга ҳамон қаттиқ қаршилик кўрсатиб турибди.
Пойтахт Киев ва мамлакатнинг йирик шаҳарлари ҳануз Украина ҳукуматининг қўлида.
Президент Владимир Зеленский ҳам ҳамон Украинада.
Ҳатто АҚШ президентининг ўзларига келиш таклифини рад этган.
"Ўзининг ҳеч қаёққа кетмаслиги, мустақилликлари ва давлатини ҳимоя қилиши"ни айтган.
Сўровнинг яна бир натижаси
Янги сўров Украина президентининг обрўси кескин ошиб кетганлигини кўрсатган.
Мамлакат аҳолисининг деярли барчаси ўз президентларини қўллаб-қувватлашларини айтишган.
Унга кўрсатилган дастак ўтган декабрь ойи билан қиёсланганда, уч баробарига ортган.
Янги сўров шу дам олиш кунларида нуфузли "Социологик рейтинг" гуруҳи томонидан ўтказилган.
Сўров бутун мамлакат бўйлаб олиб борилган.
Фақат Россия аннексия қилган Қрим ва Украина шарқидаги бўлгинчилар қўлида бўлган минтақаларни қамраб олмаган.
Сўров иштирокчиларининг 91 фоизи Зеленскийни қўллашган.
Бор-йўғи 6 фоизи уни дастакламасликларини билдиришган.
Уч фоизгина одам бу масалада бир нарса дейишга иккиланишларини айтишган.
Сўровда жами икки минг кишининг фикри ўрганилган.
Улар Украина Қуролли кучлари кўрсатган ишонч ва қўллов ҳам ишғол арафасидагидан жиддий ортган.
Сурат манбаси, Getty Images
Украина президенти сўнгги олти кун ичида халқига бир неча бор мурожаат билан чиққан.
Икки бўлгинчи шарқий минтақаси - Донецк ва Луганскнинг Россия томонидан расман мустақил республикалар, деб тан олинишига ҳам ўзининг кескин муносабатини билдирган.
Зеленский мамлакати ҳеч кимга ҳеч нарсасини бериб қўймаслигини баён қилган.
Украинанинг халқаро миқёсда тан олинган чегаралари қандай бўлса, шундайлигича қолишини айтган.
"Биз ўз еримиздамиз. Биз ҳеч ким ва ҳеч нарсадан қўрқмаймиз. Биз ҳеч кимдан қарздор эмасмиз. Ва ҳеч кимга ҳеч нарса бермаймиз. Буни ишонч билан айтамиз. Чунки ҳозир 2014 йил эмас, 2022 йилнинг феврали. Украина ҳам, Қуролли кучлари ҳам ўзгарган. Ягона мақсадимиз - Украинанинг тинчлиги", - дея баён қилган у.
BBCUZBEK.COM билан Telegram орқали +44 7858860002 номери билан боғланинг.
Telegram каналимиз: https://t.me/bbcuzbek
