100 аёл: "Ўғлимга буйрак эмас, жонимни ҳам бераман..."
Сурат манбаси, BBCuzbek
47 ёшли Насима Расулова ўғли Фирдавсга ўз буйрагини беришга қарор қилган.
Насима Расулова Самарқанддаги уйини сотиб буйраклари ишдан чиққан ўғлини Санкт-Петербургда даволатмоқда.
Аммо шифокорларнинг айтишича, Фирдавсни ҳаётини сақлаб қолишнинг бирдан бир йўли унга буйрак кўчириб ўтказишдир.
22 ёшли Фирдавс Сайфутдиновнинг бу операцияси учун Насима Расулова 1 млн 200 рубль (17 минг доллар атрофида) тўлаши керак.
- Бу ҳалиям ўғлимга ўзим донорлик қилаётганим учун арзон тушаётгани, - дейди Насима Расулова. - Бу ерга келишдан олдин бошқа давлатлардаги шу турдаги операциялар нархларини ҳам суриштирдик. Жуда қиммат. Ўғлимни асраб қолиш учун топа олган чорам шу бўлди.
Насима Расулованинг асли касби шифокор-гинеколог. 2014 йилда ўғлининг касаллиги сабабли Санкт-Питербургга келган.
Бугунда у ноиложликдан шаҳардаги ошхоналардан бирида ишлайди.
Унинг айтишича, ҳали жарроҳлик амалиёти учун зарур пулни тўплай олгани йўқ.
"Шунинг учун, операция тўхтаб турибди. Вақт эса ўтиб боряпти", дейди у.
Россиядаги фаоллар Фирдавс учун пул йиғиш амалига ҳам қўл уришган, аммо зарур пулнинг 5% ҳам йиғилмаган.
Фирдавснинг видео ҳикояси учун BBCUZBEK нинг YouTube каналини кузатиб боринг.
Би-би-си Ўзбек хизмати билан Whatsapp, Telegram ва Viber орқали боғланишни истасангиз, телефонимиз:+44 78-58-86-00-02
ТЕЛЕГРАМДА ЭСА каналимиз - https://telegram.me/bbcuzbek
Instagram - BBC UZBEK
Twitter - BBC UZBEK
Odnoklassniki - BBC UZBEK
Facebook - BBC UZBEK
Google+BBC UZBEK
YouTube - BBCUZBEK (https://www.youtube.com/user/bbcuzbek)
Skype - uzbekbbclondon
bbcuzbek.comга тўсиқ бўлса, uzbekweb.netга киринг.
