Thursday, 12 April, 2007, 13:57 GMT 18:57 PST

نیوزی لینڈ کی پہلی شکست

گریناڈا میں عالمی کپ کے ایک اہم میچ میں سری لنکا نے نیوزی لینڈ کو چھ وکٹ سے شکست دی ہے۔

اس لو سکورنگ میچ میں نیوزی لینڈ نے مقررہ پچاس اوورز میں 219 رن بنائے تھے اور اس طرح سری لنکا کو جیتنے کے لیے 220 کا ہدف دیا تھا۔ سری لنکا نے یہ ہدف چھیالیسویں اوور میں پورا کر لیا۔

تفصیلی سکور کارڈ

تصاویر دیکھنے کے لیے کلک کریں

عالمی کپ میں ٹیموں کی پوزیشن

اس میچ کے بعد عالمی کپ کے دوسرے راؤنڈ میں آسٹریلیا پہلے، سری لنکا دوسرے اور نیوزی لینڈ تیسرے نمبر پر ہے۔

سری لنکا کی طرف سے وکٹ کیپر بیٹسمین سنگاکارا نے 69 رنز بنائے اور آؤٹ نہیں ہوئے۔ ان کے ساتھ دلشن 14 رنز بنا کر ناٹ آؤٹ رہے۔

جے سوریا چونسٹھ رنز بنانے کے بعد آؤٹ ہوئے۔ کپتان جے وردھنے اور سلوا وٹوری کی گیندوں پر آؤٹ ہوئے۔ جے سوریا اور سنگاکارا کے درمیان دوسری وکٹ کے لیے ایک سو رن کی شراکت ہوئی تھی۔ سری لنکا کو پہلا نقصان اس وقت اٹھانا پڑا تھا جب تیس رن پر اپل تھرنگا فرینکلن کی گیند پر کیچ آؤٹ ہو گئے۔

نیوزی لینڈ نے ٹاس جیت کر پہلے بیٹنگ کا فیصلہ کیا اور پچاس اووروں میں سات وکٹوں پر 219 رن بنائے تھے۔ ان کی اننگز کی خاص بات سٹائرس کی سنچری تھی جنہوں نے 111 رن بنائے اور آؤٹ نہیں ہوئے۔ سری لنکا کی طرف سے واس اور مرلی دھرن نے تین تین کھلاڑی آؤٹ کیے۔

اس کے بعد تیسری وکٹ کی شراکت میں سٹائرس اور فلٹن نے اڑسٹھ بنائے تھے۔
فلٹن اٹھائیس رن بنا کر آؤٹ ہوئے۔ آؤٹ ہونے والے چوتھے کھلاڑی مکملن تھے جو صِرف ایک رن بنا سکے۔ اوورم اکتیس رن بنا کر دلشن کی گیند پر کیچ آؤٹ ہوئے۔ مکلم کو ایک رن پر اور وِٹوری کو پانچ رن پر مرلی تھرن نے آؤٹ کیا۔

سری لنکا کو اس میچ میں اپنے بالر ملِنگا کی خدمات حاصل نہیں جو زخمی ہونے کی وجہ سے ٹیم میں شامل نہیں کیےگئے۔

نیوزی لینڈ عالمی کپ کے دوسرے راؤنڈ میں اب تک اپنے چاروں میچ جیت کر پہلے نمبر پر ہے جبکہ سری لنکا نے تین میچ جیتے ہیں اور تیسرے نمبر ہے۔

نیوزی لینڈ کی ٹیم: پی جے فلٹن، سٹیفن فلیمنگ، آر ٹیلر، ایس بی سٹائرس، سی ڈی مک ملن، جے اورم، بی مکلم، ڈی وٹوری، جے فرینکلن، شین بانڈ، ایک آر جِلسپی۔
سری لنکا کی ٹیم:
اپل تھرنگا، جے سوریا، مہیلا جے وردھنے، سنگاکارا، ایل سلوا، ٹی ایم دلشن، رسل آرنلڈ، چمندا واس، مہاروف، سی آر فرنینڈو، مرلی دھرن۔