Saturday, 28 October, 2006, 19:32 GMT 00:32 PST

انگلینڈ نے ویسٹ انڈیز کو ہرا دیا

احمدآباد میں کھیلے گئے چیمپینزٹرافی کے ایک سنسنی خیز میچ میں انگلینڈ نے ویسٹ انڈیز کو ہرا دیا ہے۔

انگلینڈ کی جانب سے کیون پیٹرسن نے شاندار 90 رنز بنائے اور وہ آخر تک آؤٹ نہیں ہوئے۔ پیٹرسن کی محنت آخر کار رنگ لائی۔ حالانکہ ویسٹ انڈیز کی ٹیم جیتنے میں کامیاب نہیں ہو سکی لیکن وہ پہلے ہی سیمی فائنل میں جگہ بنا چکی ہے۔

انگلینڈ نےویسٹ اٹڈیز کے چار وکٹ پر 274 رنز کے جواب میں 7 وکٹ کے نقصان پر یہ ہدف حاصل کر لیا۔

اس سے پہلے ویسٹ انڈیز کی طرف سے کرس گائل نے ایک سو ایک اور براو نے ایک سو بارہ رنز بنا کراپنی ٹیم کی حالت مستحکم کر دی تھی۔

ویسٹ انڈیزنےٹاس جیتنے کے بعد پہلے بلے بازی کرنےکا فیصلہ کیا تھا۔

براواور سار گائل نے مل کر ویسٹ انڈیز کو مستحکم پوزیشن میں پہنچا دیا تھا۔اس کے بعد براواور سارون نے 50 رنز کی شراکت کی۔ سارون ساجد محمود کی گیند پرآؤٹ ہوگئے۔

ادھرانگلینڈ نےمشکل ہدف کا پیچھا کرتے ہوئے اپنے کئی وکٹگنوا دیئے اور ایک وقت ایسا لگ رہا تھا کہ وہ کامیاب نہیں ہو سکے گی لیکن بعد میں پیٹرسن نے جیت دلانے میں نمایاں کردار ادا کیا۔