Thursday, 23 March, 2006, 13:56 GMT 18:56 PST

’ممبئی میں جیت ایشزکے برابر ہے‘

انگلینڈ کے کوچ ڈنکن فلیچر نے کہا ہے کہ پانچ اہم کھلاڑیوں کی عدم موجودگی میں انڈیا کو ہرانا تقریباً ایشز میں جیت کے برابر ہے۔

’یہ بہت بہت بڑی کامیابی ہے جو ایشز سیریز میں جیت کے قریب ہے‘۔

انہوں نے کہا کہ کسی بھی موقع پر انڈیا کے ساتھ ٹیسٹ سیریز ایک ایک سے برابر کرنا بڑی بات ہے اور انڈیا میں جیت جانا آسٹریلیا کو انگلینڈ میں ہرانے کے برابر ہوتا۔

ممبئی ٹیسٹ میچ میں کپتان اینڈریو فلنٹاف دونوں اننگز میں نصف سنچریوں اور چار وکٹوں کی بدولت مین آف دی میچ قرار پائے۔ مین آف دی سیریز بھی فلنٹاف ہی تھے۔

انہوں نے کہا کہ کھانے کے وقفے کے دوران ڈریسنگ روم میں جا کر ٹیم نے پہلے کھانا کھایا اور پھر کچھ جونی کیش سنا۔

انہوں نے کہا کہ سچن تندولکر کو آؤٹ کرنا بڑی کامیابی ہے اور انہیں بیٹ اینڈ پیڈ آؤٹ کر کے زبردست خوشی حاصل ہوئی۔

اوڈل نے کہا کہ گھر میں میرے تین بچے ہیں۔ میں نے وکٹیں اس طرح لیں کہ وہ سکول جانے سے پہلے مجھے آؤٹ کرتے ہوئے دیکھ سکیں۔