Friday, 17 February, 2006, 14:53 GMT 19:53 PST

بھارت: نشریاتی حقوق فروخت

بھارتی کرکٹ بورڈ نے بین الاقوامی اور قومی کرکٹ کے چار سالہ نشریاتی حقوق 352 ملین پونڈ کے عوض فروخت کر دیے ہیں۔

بھارتی کرکٹ بورڈ کے نائب صدر للت مودی نےاعلان کیا کہ بھارت کی انٹرنیشنل اور ڈومیسٹک کرکٹ دیکھانے کے چار سال کے حقوق حاصل کرنے کے لیے آٹھ پارٹیاں میدان میں اتریں جن میں سے نمبس کیمونیکشن نے سب سے زیادہ بولی دے یہ حقوق حاصل کر لیے ہیں۔

بھارت نے تمام نشریاتی حقوق 434 ملین ڈالر کے عوض فروخت کیے ہیں۔ یہ رقم پچھلی دفعہ اسی طرح کے حقوق کی فروخت سے ہونے والی آمدنی سے دس گنا زیادہ ہے۔

بھارتی کرکٹ بورڈ کے اہلکار نے کہا کہ وہ صرف ایک چینل کے تسلط اور اجارہ داری کے خلاف ہیں لیکن وہ دور درشن کے راستے میں روکاوٹیں نہیں کھڑی کریں گے۔