Tuesday, 14 February, 2006, 12:48 GMT 17:48 PST
مناء رانا
بی بی سی اردو ڈاٹ کام لاہور
پاکستان کرکٹ بورڈ کی سلیکشن کمیٹی نے پاک بھارت کرکٹ سیریز کے ملتان اور کراچی میں ہونے والے چوتھے اور پانچویں ایک روزہ میچ کے لیے پاکستان کے سکواڈ کا اعلان کر دیا ہے۔
اس سکواڈ میں فاسٹ بالر شعیب اختر کی جگہ محمد سمیع کو سکواڈ میں شامل کیا گیا ہے۔
شعیب اختر نے گزشتہ تین ایک روزہ کے لیئے سکواڈ کا حصہ ہونے کے باوجود کوئی میچ نہیں کھیلا۔
شعیب اختر کے نہ کھیلنے کی وجہ ان کے ٹخنے میں ہونے والی شدید تکلیف ہے۔
ادھر شاہد آفریدی بھی ان فٹ ہیں لیکن پاکستان کرکٹ بورڈ کی سلیکشن کمیٹی نے منگل کے روز دو بار سکواڈ کا اعلان کیا۔
پہلے اعلان میں شاہد آفریدی کا نام سکواڈ میں شامل تھا جبکہ آفریدی کا دو روز پہلے غسل خانے میں پاؤں پھسل گیا تھا اور واش بیسن کا کنارہ لگنے سے ان کی پسلیوں پر چوٹ لگ گئی تھی۔
منگل کی شام کو سلیکشن کمیٹی کی جانب سے ایک اور اعلان آیا کہ شاہد آفریدی پسلیوں میں چوٹ لگ جانے کے سبب ایک روزہ سکواڈ کا حصہ نہیں رہے لیکن ان کی جگہ کسی اور کھلاڑی کو شامل نہیں کیا گیا ہے اور اب سکواڈ سولہ کی بجائے پندرپ کھلاڑیوں پر مشتمل ہے۔
سکواڈ یہ ہے
انضمام الحق، یونس خان ، محمد یوسف، عبدالرزاق، محمد سمیع، شعیب ملک، سلمان بٹ، رانا نوید الحسن، کامران اکمل، ارشد خان، فیصل اقبال، محمد آصف، عمران فرحت، یاسر عرفات، عمر گل۔