Sunday, 11 December, 2005, 12:21 GMT 17:21 PST
دہلی ٹیسٹ میں سپن کا جادو
دہلی ٹیسٹ کے دوسرے دن کے کھیل کے اختتام پر سری لنکا نے چھ کھلاڑیوں کے نقصان پر ایک سو اٹھانوے رنز بنائے ہیں۔
جب کھیل ختم ہوا تو جیہان مبارک دس رنز کے ساتھ کریز پر موجود تھے۔
تفصیلی سکور کے لیے یہاں کلک کریںمارون اتاپتو نے سری لنکا کی طرف سے سب سے زیادہ اٹھاسی رنز سکور کیے۔ ان کے علاوہ مہیلا جے وردھنے نے ساٹھ رنز بنائے۔ دونوں کھلاڑیوں کو انیل کمبلے نے آؤٹ کیا۔
بھارت کی جانب سے لیگ سپنر انیل کمبلے نے چوّن رن دے کر چار جبکہ عرفان پٹھان نے بیس رن کے عوض دو وکٹیں حاصل کیں۔
اس سے قبل بھارتی ٹیم اپنی پہلی اننگز میں 290 رن بنا کر آؤٹ ہوگئی۔ بھارت کے آخری سات کھلاڑی ٹیم کے مجموعی سکور میں صرف 45 رن کا اضافہ کر سکے اور سری لنکن بولر مرلی دھرن کی آف سپن بولنگ کا شکار ہو گئے۔
میچ کے پہلے روز سب سے زیادہ ٹیسٹ سنچریوں کا ریکارڈ قائم کرنے والے سچن تندولکر بھی بھارتی ٹیم کو سہارا نہ دے سکے اور اپنے گزشتہ دن کے سکور میں صرف 9 رن کے اضافے کے بعد مرلی دھرن کا شکار بنے۔
مرلی دھرن نے سو رن کے عوض سات کھلاڑیوں کو آؤٹ کیا جبکہ چمندا واس نے ایک اور بندارا نے دو کھلاڑیوں کو آؤٹ کیا۔
سری لنکا کی ٹیم:
گوناوردنے، کمارا سنگاکارا، مہیلا جے وردھنے، مارون اتاپتو، سماراویرا، تلکا رتنے دلشان، چمندا واس، سی بندارا، دلہارا فرنینڈو، جیہان مبارک، مرلی دھرن۔
بھارت کی ٹیم:
سارو گنگولی، یوراج سنگھ، گوتم گمبھیر، راہول ڈراوڈ، سچن تندولکر، وی وی ایس لکشمن، مہندرا دھونی، اجیت اگرکر، انیل کمبلے، ہربھجن سنگھ، عرفان پٹھان ۔