Monday, 11 July, 2005, 16:22 GMT 21:22 PST

20 کھلاڑیوں کو کنٹریکٹ مِل گئے

پاکستان میں کرکٹ کے بیس کھلاڑیوں کو مرکزی کنٹریکٹ مِل گیا ہے۔ تیرہ جونیئر کھلاڑیوں کو ایک سال کی ریٹینرشپ ملی ہے۔

پاکستان میں گزشتہ سال پہلی بار کھلاڑیوں کو معاہدے ملے تھے جو ویسٹ انڈیز کے دورے تک تھے۔

جن کھلاڑیوں کو کنٹریکٹ ملے ہیں ان میں شعیب اختر بھی شامل ہیں جو ویسٹ انڈیز اور بھارت کے دورے میں شامل نہیں تھے۔

یہ معاہدے تین طرح کے ہیں جن کے تحت کھلاڑیوں کو دو لاکھ، ایک لاکھ پچیس ہزار اور پچھتر ہزار روپے ملیں گے۔ انضمام الحق، یوسف یوحنا، عبدالرزاق اور شعیب اختر کو سینیئر درجے میں رکھا گیا ہے۔ یہ معاہدے دس جولائی سے نافذالعمل ہوں گے۔

پاکستان ٹیم کی اگلی سیریز اکتوبر میں ہوگی جب وہ پاکستان میں انگلینڈ کے ساتھ تین ٹیسٹ اور پانچ ایک روزہ میچ کھیلے گی۔

مرکزی کنٹریکٹ حاصل کرنے والے کھلاڑی
انضمام الحق، یوسف یوحنا، یونس خان، عبدالرزاق، شعیب ملک، شاہد آفریدی، محمد سمیع، دانش کنیریا، کامران اکمل، عاصم کمال، سلمان بٹ، رانا نوید الحسن، یاسر حمید، شعیب اختر، ارشد خان، شبیر احمد، راؤ افتخار عمر گل، بازید خان اور عمران فرحت۔

ریٹینرشپ حاصل کرنے والے کھلاڑی
مصباح الحق، حسن رضا، فیصل اقبال، محمد آصف، یاسر عرفات، نجف شاہ، محمد خلیل، شاہد نذیر، محمد ارشاد، عمران طاہر، ذوالقرنین حیدر، آشر زیدی اور توفیق عمر۔