Thursday, 26 May, 2005, 03:21 GMT 08:21 PST

چیمپئن لیگ لیورپول نے جیت لی

ترکی کے شہر استنبول میں یورپی کلب چیمپئینز لیگ کے فائنل میں ایک تاریخی اور زبردست مقابلے کے بعد غیر متوقع طور پر برطانوی کلب لیورپول نے ٹورنامنٹ کے فیورٹ اطالوی کلب اے سی میلان کو ہراکر چیمپئین چپ جیت لی ہے۔

وقفے پر اے سی میلان کو تین صفر کی برتری حاصل تھی اور یقینی شکست لیورپول کا مقدر محسوس ہورہی تھی لیکن دوسرے ہاف کے پہلے پانچ منٹ میں لیورپول نے پے درپے تین گول کرکے مقابلہ برابر کردیا جو نہ صرف مقررہ وقت بلکہ اضافی وقت میں بھی برابر ہی تھا۔

مقررہ وقت اور اضافی وقت میں کوئی فیصلہ نہ ہونے کی صورت میں پینلٹی کک پر میچ کا فیصلہ ہوا اور لیورپول نے پانچ کے مقابلے میں چھ گول سے یہ اعزاز حاصل کرلیا۔

یہ یورپی چیمپئین شپ کے پچاس برسوں میں صرف ساتویں مرتبہ تھا کہ فائنل کا فیصلہ پینلٹی ککس پر ہوا۔