Tuesday, 14 December, 2004, 12:24 GMT 17:24 PST

انٹرنیٹ پر چار ارب پاؤنڈ کی خریداری

کرسمس کے تحائف کی خریداری کے لیے لوگ بازار کی بجائے سائبر سپیس جا رہے ہیں۔

ایک اندازے کے مطابق برطانیہ میں لوگ کرسمس کے دوران انٹرنیٹ پر چار ارب پاؤنڈ کی خریداری کریں گے جو کہ سن دو ہزار تین کے مقابلے میں چونسٹھ فیصد زیادہ ہے۔

اس تنظیم کا اندازہ ہے کہ اس کے پچاسی فیصد ارکان( ایک کروڑ اسّی لاکھ افراد)
کرسمس کے تحائف خریدنے کے لیے انٹرنیٹ کی سہولت سے فائدہ اٹھائیں گے۔ اوسطً ہر خریدار دو سو بیس پاؤنڈ خرچ کرے گا۔

انٹرنیٹ پر خریداری کے معاملے میں برطانیہ یورپ کے دوسرے ممالک سے آگے ہے۔

ہوسٹ وے کے تجزیے کے مطابق بعض مرد اپنی گرل فرینڈ یا بیویوں کے لیے تحائف کے طور پر زیر جامے اور کچھ دوسری اشیا خریدنے کے لیے انٹرنیٹ کو فوقیت دیتے ہیں۔ سروے کے مطابق مرد دکان جا کر اس طرح کے تحائف خریدنے میں شرمندگی محسوس کرتے ہیں۔

ایک اور تجزیے کے مطابق لوگ انٹرنیٹ شاپنگ دفتری اوقات کے دوران کرتے ہیں جس سے دفتری وقت کے دو دن ضائع ہوں گے۔ سروے میں کہا گیا ہے کہ چودہ سے اٹھارہ سال کی عمر کے نوجوان انٹرنیٹ پر خریداری پر اوسطً پانچ گھنٹے لگائیں گے۔