Tuesday, 13 May, 2008, 11:05 GMT 16:05 PST

بغداد: صدر سٹی میں پھر جھڑپیں

عراق کے دارالحکومت بغداد کے علاقے صدر سٹی سے ملنے والی اطلاعات کے مطابق عراقی اور امریکی افواج نے علاقے کی ناکہ بندی کر دی ہے۔

صدر سٹی جانے والی تمام بڑی سڑکیں بند کر دی گئی ہیں۔ اس علاقے میں گزشتہ ہفتوں میں شدید جھڑپیں ہوئی ہیں اور اتوار سے یہاں عارضی فائر بندی قائم ہے۔

بغداد میں بی بی سی کے نامہ نگار نے بتایا ہے کہ حکام فائربندی کے دوران ان رکاوٹوں کی تعمیر مکمل کرنا چاہتے ہیں جو بغداد کے گرین زون کے تحفظ کے لیے بنائی جا رہی ہیں اور جن کا مقصد علاقے کو مارٹر فائر سے محفوظ رکھنا ہے۔