Wednesday, 20 June, 2007, 01:00 GMT 06:00 PST

شہریوں کی ہلاکتوں پر تشویش

افغانستان میں کام کرنے والی بین الاقوامی امدادی نتظیموں نے طالبان کے خلاف افغان اور امریکی فوج کی کارروائیوں میں شہریوں کے ہلاک اور زخمی ہونے والوں کی بڑھتی ہوئی تعداد پر تشویش کا اظہار کیا ہے۔

چرانوے مختلف بین الاقوامی اور افغان امدادی تنظیموں کے ایک گروپ نے کہا ہے کہ کم از کم دو سو تیس کے قریب شہری نیٹو اور امریکی افواج کے ہاتھوں ہلاک ہو چکے ہیں۔ اس گروہ نے یہ شکایت بھی کی کہ امریکی اور نیٹو افواج ضرورت سے زیادہ طاقت کا استعمال کرتی ہیں اور اکثر کارروائیاں غلط معلومات پر کی جاتی ہیں۔

اس گروہ نے کہا ہے کہ افغانستان میں کارروائیوں میں مصروف فوجیوں کو چاہیے کہ جنگجوؤں اور شہریوں میں تمیز کرنے کی کوشش کریں۔

گزشہ اتوار کو امریکی فوج نے سات بچوں کو غلطی سے ہلاک کرنے کا اعتراف کیا تھا۔ یہ بچے ایک مدرسے پر فضائی حملے میں ہلاک ہوئے تھے۔

غیر ملکی افواج کا اصرار ہے کہ وہ پوری کوشش کرتے ہیں کہ کسی کارروائی میں شہری ہلاک نہ ہوں مگر ان کا الزام ہے کہ طالبان شہریوں کو انسانی ڈھال کے طور پر استعمال کرتے ہیں۔