Tuesday, 10 October, 2006, 10:07 GMT 15:07 PST

کابل: دھماکے میں تیرہ افراد ہلاک

افغانستان کے دار الحکومت کابل میں ریموٹ کنٹرول سے چلنے والے ایک بم کے دھماکے میں کم سے کم گیارہ افراد ہلاک ہو گئے ہیں۔

پولیس نے بتایا ہے کہ یہ بم ایک سائکل پر نصب کیا گیا تھا اور دھماکہ اس وقت کیا گیا جب پولیس کی بس اس کے قریب سے گزری۔

اطلاعات کے مطابق مرنے والوں میں کم سے کم دس پولیس اہلکار شامل ہیں۔

پولیس نے بتایا ہے کہ سڑک پر بس کے پیچھے چلنے والی ایک ٹیکسی میں سوار چند عام شہری بھی دھماکے میں ہلاک ہو گئے۔

اطلاعات کے مطابق دھماکے سے قریبی دکانوں اور بس کے شیشے ٹوٹ گئے۔

یوسف احمدی نامی ایک شخص نے خود کو طالبان کا ترجمان بتاتے ہویے کہا ہے کہ طالبان اس حملے کے ذمہ دار ہیں۔

ادھر امریکی اور افغان افواج نے بتایا ہے کہ انہوں کابل صوبے کے علاے نننگیخیل سے تین افراد کو خود کش حملے کرنے کی منصوبہ بندی کے شبہ میں
گرفتار کیا ہے۔