Friday, 01 September, 2006, 12:12 GMT 17:12 PST

ایران: طیارہ حادثہ میں 29 ہلاک

ایران کے شہر مشہد میں ایک طیارہ تباہ ہونے سے کم از کم انتیس افراد ہلاک اور چالیس سے زیادہ زخمی ہو گئے ہیں۔

ابتدائی اطلاعات میں کہا گیا تھا کہ طیارے کےحادثے میں اسی مسافر ہلاک ہو گئے لیکن بعد میں ایران کی حکومت نے کہا ایک طیارے میں ایک سو سے زیادہ مسافروں کو بچا لیا گیا ہے۔

ایرانی ٹی وی کے مطابق روسی ساخت کا مسافر بردار طیارہ جو بندر عباس سے مشہد آ رہا تھا، لینڈنگ کے دوران حادثے کا شکار ہو گیا۔ طیارے میں 145 مسافر سوار تھے۔

حکام کے مطابق لینڈنگ کے دوران طیارے کا ٹائر پھٹ گیا جس کے بعد طیارے میں آگ لگ گئی۔