Wednesday, 09 August, 2006, 12:34 GMT 17:34 PST

طالبان پر جاسوسہ کے قتل کا الزام

افغانستان کے جنوبی صوبے ہلمند میں حکام نے طالبان پر ایک خاتون کو جاسوس قرار دے کر قتل کرنے کا الزام لگایا ہے۔ تاہم طالبان نے اس الزام کی تردید کی ہے۔

ہلمند کے نائب گورنر امیر محمد اخونزادہ کا کہنا تھا کہ یہ واقعہ صوبہ کے موسی قلعہ علاقے میں منگل کو پیش آیا جہاں مشتبہ طالبان نے اس عورت اور اس کے بیٹے کو قتل کرنے کے بعد ان کی لاشیں درخت کے ساتھ لٹکا دی تھیں۔

تاہم طالبان کے ایک ترجمان نے بی بی سی کو بتایا کہ یہ خبر درست نہیں ہے۔ قاری محمد یوسف کا کہنا تھا کہ ’جب ہم ایسی کارروائی کرتے ہیں تو ہم اس کے بارے میں ذرائع ابلاغ کو مطلع کرتے ہیں۔ ہم نے کئی افراد کو جاسوسی کے الزام میں قتل کیا ہے لیکن اس سے قبل ان کے خلاف تحقیقات بھی کی ہیں۔‘

ہلمند میں ہی نیٹو افواج نے غلطی سے ایک افغان فوجی کو ہلاک کرنے کی بھی تصدیق کی ہے۔

طالبان کے ایک ترجمان نے بی بی سی کو بتایا کہ یہ خبر درست نہیں ہے۔ قاری محمد یوسف کا کہنا تھا کہ ’جب ہم ایسی کارروائی کرتے ہیں تو ہم اس کے بارے میں ذرائع ابلاغ کو مطلع کرتے ہیں۔ ہم نے کئی افراد کو جاسوسی کے الزام میں قتل کیا ہے لیکن اس سے قبل ان کے خلاف تحقیقات بھی کی ہیں۔‘

اس کے علاوہ غزنی صوبے میں بھی صوبائی پولیس سربراہ نے بتایا کہ افغان فوجیوں کے ساتھ ایک جھڑپ میں دو مشتبہ طالبان ہلاک ہوئے ہیں۔