Saturday, 29 July, 2006, 04:44 GMT 09:44 PST
کیلیفورنیا:گرمی سے ہلاک 124 ہو گئے
حکام کا کہنا ہے کہ کیلیفورنیا میں گرمی سے ہلاک ہونے والوں کی تعداد کم از کم 116 ہوگئی ہے۔
کیلیفورنیا گرمی سے 104 افراد ہلاکان میں زیادہ تر ریاست کیلیفورنیا کی وسطی وادی میں ہلاک ہوئے ہیں۔ جہاو بتایا جاتا ہے کہ درجہ حرارت گزشتہ پانچ دن کے دوران 45 ڈگری سے بھی زیادہ رہا ہے۔
ہلاک ہونے والوں میں زیادہ تعداد عمر رسیدہ اور بوڑھے لوگوں کی ہے۔
ریاست میں کئی کاؤنٹیز نے پہلے ہی ہنگامی حالت کے نفاذ کا اعلان کر رکھا ہے۔
اس سے پہلے وفاقی حکومت نے کہاتھا کہ امریکہ میں اٹھارہ سو پچانوے کے بعد یہ گرمی کی سب سے بڑی لہر ہے۔
کیلیفورنیا کے گورنر آرنلڈ شیوارزنگر کے دفتر کے مطابق دو روز قبل ریاست میں پڑنے والی شدید ترین گرمی کے لہر کے نتیجے میں گزشتہ بارہ دن کے دوران نوے افراد ہلاک ہو چکے تھے۔ دفتر کے مطابق منگل اور بدھ کو درجہ حرارت ایک سو نو ڈگری فارن ہائيٹ ریکارڈ کیا گیا ہے۔
 | صدی میں مثال نہیں  امریکی موسمیات اور ماحولیات کے ماہریں کے مطابق امریکہ میں گرمی کی اس لہر کی مثال گزشتہ سو سالوں میں نہیں ملتی جبکہ وفاقی حکومت نے ماضی میں اتنی بڑی گرمی کی لہر کی مثال صرف اٹھارہ سوپچانوے بتائي ہے۔ |
دو روز قبل امریکی الیکٹرانک ذرائع ابلاغ کے ایک بڑے حصے نے اپنی نشریات میں امریکہ میں آنے والی شدید گرمی کی لہر میں صرف کیلفورنیا میں ہلاک ہونے والوں کی تعداد ایک سو چار بتائی تھی، جبکہ مقامی سرکاری ذرائع نے نوے افراد کی ہلاکتوں کی تصدیق کی تھی۔