Monday, 05 September, 2005, 03:40 GMT 08:40 PST

عراق میں پیٹرول کی راشن بندی

دنیا میں خام تیل کے ذخائر رکھنے والے تیسرے بڑے ملک عراق میں حکام نے منگل سے نجی گاڑیوں کے لیے تیل کی راشن بندی کا اعلان کیا ہے۔

اس راشن بندی کا مقصد تیل کی شدید کمی قابو پانا بتایا گیا ہے۔

راشن بندی کے بعد طاق اور جفت نمبر کی رجسٹریشن کی گاڑیاں متبادل دنوں پر دارالحکومت کی سڑکوں پر نکل سکیں گی۔

نامہ نگاروں کا کہنا ہے کہ تیل کی یہ سنگین قلت امریکی سالاری میں کیے جانے والے حملے کے بعد بنیادی ڈھانچے کی ناکامی اور مزاحمت کاروں کی جانب سے مبینہ تخریب کاری کی وجہ سے پیدا ہوئی ہے۔

راشن کا اطلاق ہونے کے بعد کاروں اور دوسری گاڑیوں کو پیٹرول بھی متبادل دنوں میں ملا کرے گا۔