Monday, 18 July, 2005, 09:51 GMT 14:51 PST

لیڈز میں چھ افراد گرفتار

برطانیہ کی کاؤنٹی یارکشائر میں چھ افراد کو امیگریشن کے قوانین کی خلاف ورزی کے تحت گرفتار کیا گیا ہے۔

پولیس نے کہا ہے کہ لیڈز شہر کے بیسٹن علاقے میں کی جانے والی گرفتاریوں کا سات جولائی کو لندن میں کیے جانے والے بم حملوں سے کوئی تعلق نہیں تھا۔

پولیس نے کہا کہ لیڈز شہر میں حفاظتی اقدام کے تحت ایک گھر کا محاصرہ کیا گیا تھا۔

اس قبل اطلاعات تھیں کہ چھ افراد کو انسداد دہشت گردی کے قوانین کے تحت گرفتار کیا گیا ہے جو بعد میں غلط ثابت ہوئیں۔

پولیس ترجمان نے کہا کہ اس مرحلے تک ان گرفتاریوں کو لندن بم دھماکوں سے کوئی تعلق نہیں ہے۔

محمد صدیق خان لندن بم حملوں میں ملوث تیس سالہ بمبار سات جولائی کو بیسٹن کے علاقے سے لندن آیا تھا۔