Wednesday, 15 June, 2005, 04:07 GMT 09:07 PST

کوفی عنان کے خلاف دستاویز دستیاب

ایک ایسی دستاویز کا انکشاف ہوا ہے جس سے اقوام متحدہ کے سکریٹری جنرل کوفی عنان کے اس دعوے کی تردید ہو سکتی ہے کہ انہیں اس بات کا علم نہیں تھا کہ عراق میں تیل کے بدلے خوراک کا ٹھیکہ ایک ایسی کمپنی کو دیا جا رہا ہے جس میں ان کا بیٹا ملازم ہے۔

یہ اہل کاروں نے اس سے پہلے کوفی عنان کو تیل کے بدلے خوراک کے پروگرام میں کسی بھی غلط کاری سے بری الذمہ قرار دے چکے ہیں۔

یہ دستاویز کوٹیکنا کے ایک اہلکار کی انیس سو اٹھانوے کی یادداشت ہے جس میں اس اہلکار، مائیکل ولسن، نے لکھا ہے کہ انہوں نے کوٹیکنا نامی فرم کو ٹھیکہ دیے جانے سے کچھ روز قبل اس ٹھیکے کے بارے میں کوفی عنان سے بات کی تھی۔

اب تک کوفی عنان نے اس طرح کی کسی بھی ملاقات سے لاعلمی ظاہر کی تھی اور اب بھی ان کے ایک ترجمان نے کہا ہے کہ انہیں کسی ملاقات کے بارے میں یاد نہیں ہے۔