Saturday, 11 June, 2005, 18:20 GMT 23:20 PST

ساؤتھ افریقہ: قانونی تاریخ کاانوکھا کیس

ساؤتھ افریقہ میں اپنی جگہ اپنے ایک رشتہ دار کو پیسے دے کر جیل کاٹنے کے لیے بھیجنے والے شخص کو اس جرم پر چار سال کی سزا سنا ئی گئی ہے۔

انجینئر روپرٹ ریڈی کوچار سال قبل اپنی کمپنی کے ملازمین کو چوری کے
نتیجےمیں تشدد کا نشانہ بنانے پر چار ماہ کی سزا سنائی گئی تھی۔ لیکن
سزا کے تین ماہ بعد جیل حکام کو یہ معلوم ہوا کہ جیل میں موجود روپرٹ
ریڈی نہیں بلکہ اس کا رشتہ دار ہے۔

ان دونوں پر دھوکہ دہی کا مقدمہ چلایا گیا اور جرم ثابت ہونے پر انہیں
تین سال کی سزا سنائی گئی ہے۔ ریڈی کو دوسرے مقدمے کی سماعت سے
پہلے ہی حراست میں لے لیا گیا تھا۔

حکام کا کہنا ہے کہ ساؤتھ افریقہ کی قانون کی تاریخ کا یہ انوکھا اور منفرد کیس ہے ۔

بیتھلم کے فری اسٹیٹ صوبے کی ایک عدالت میں سزا سنانے کے بعد مجسٹریٹ ہین وین نیکیرک نے کہا کہ انہیں اپنی ستائیس سالہ قانونی زندگی میں پہلی بار ایسی غیر متوقع صورت حال کا سا منا کرنا پڑا ہے۔

ایک خبر کے مطابق عدالت کے کاغذات میں موجود ریڈی کی انگلیوں کے نشانات کو آرچری کی انگلیوں کے نشانات سے تبدیل کردیا گیا تھا۔ چنانچہ
وہ کاغذات جو جیل پہنچےاس میں ریڈی کی جگہ آرچری کی انگلیوں کے
نشانات تھے۔