Saturday, 16 April, 2005, 10:03 GMT 15:03 PST

روس کی تاجک سرحد سے واپسی

افغانستان اور تاجکستان کے ایک اہم سرحدی علاقے سے روسی فوجوں کی ایک صدی بعد واپسی شروع ہوگئی ہے۔

موسکووسکی سیکٹر منشیات کی سمگلنگ کے لیے مشہور ہے اور نوے کی دہائی میں روس نے طالبان کی مخالف قوتوں کو مسلح کرنے کے لیے اس راستے کو استعال کیا۔

روسی فوجیں آہستہ آہستہ تمام سرحدی علاقہ اب تاجک افواج کے حوالے کر رہے ہیں اور یہ قدم اس سلسلے کی پہلی کڑی ہے۔

وسطی ایشیا میں بی بی سی کی نامہ نگار کا کہنا ہے کہ تاجکستان اپنی سرحدوں پر اپنا کنٹرول بڑھانے کا خواہاں ہے۔ تاہم نامہ نگار کا کہنا ہے کہ بہت سے مقامی لوگ ان اقدام سے خوش نہیں اس لیے کہ ان کا خیال ہے کہ اس سے منشیات کے کاروبار میں اضافہ ہوگا۔ روس اور امریکہ نے منشیات کی سمگلنگ کی روک تھام کے لیے تاجک گارڈز کو خاص تربیت دی ہے۔