Thursday, 07 April, 2005, 22:31 GMT 03:31 PST

قتل کی بین الاقوامی تحقیقات

اقوام متحدہ کی سیکیورٹی کونسل نے لبنان کے سابق وزیر اعظم رفیق حریری کے قتل کی بین الاقوامی سطح پر تحقیقات کرانے کے احکامات جاری کیے ہیں۔

رفیق حریری کے قتل کی تحقیقات کے احکامات اقوام متحدہ کی طرف سے اس رپورٹ کے جاری ہونے کے بعد دیئے گئے ہیں جس میں کہا گیا تھا کہ لبنان حکومت کی طرف کرائی گئی تحقیقات میں سقم پائے جاتے ہیں۔

اس رپورٹ میں یہ نشاندھی نہیں کی گئی تھی کہ اس قتل کے پیچھے کون سے عناصر کارفرما تھے تاہم لبنان میں پائی جانے والی کشیدگی کا ذمہ دار شام کو ٹھہرایا گیا تھا۔

شام کا لبنان میں کافی اثرورسوخ ہے۔