Saturday, 30 October, 2004, 20:44 GMT 01:44 PST

عرفات کو خون کے کینسر کی تردید

فلسطینی رہنما یاسر عرفات علاج کے لیے فرانس کے دارالحکومت پیرس کے ایک قریبی فوجی ہسپتال میں ہیں اور ایک فلسطینی سفارتکار نے کہا ہے کہ ڈاکٹروں نے اس خدشے کو مسترد کر دیا ہے کہ انہیں خون کو کینسر بھی ہو سکتا ہے۔

تاہم ڈاکٹروں نے گزشتہ روز بتایا تھا کہ عرفات کے مرض کی تشخیص میں کئی دن لگیں گے۔

فلسطینی سفارتکار نے امید ظاہر کی ہے کہ بدھ تک ڈاکٹر مرض کا تعین کر لیں گے۔ اس سے قبل فلسطینی قیادت نہ پہلی بار ایک ایسا اجلاس منعقد کیا جس یاسر عرفات نہیں تھے۔

پیرس کے جس فوجی ہسپتال میں عرفات داخل ہیں وہ خون کے امراض کے علاج کا خصوصی مرکز ہے۔

گزشتہ روز ایک فلسطینی ترجمان نے بتایا ہے کہ یاسر عرفات کو کئی ٹیسٹوں سے گزرنا ہو گا۔

ڈاکٹروں نے عرفات کے دماغ اور جسم کی سکیننگ کی ہے اور کے تجزیے بھی کیے جا رہے ہیں۔