Saturday, 02 October, 2004, 04:31 GMT 09:31 PST

کینتھ بگلی کے بھائی کے گھر پر چھاپہ

ہالینڈ میں خفیہ ایجسنی کے اہلکاروں نے عراق میں برطانوی یرغمالی کینتھ بگلی کے بھائی پال بگلی کے ایمسٹرڈم کے گھر پر چھاپہ مارا ہے۔

پال بگلی نے کہا کہ ہالینڈ اور برطانوی خفیہ اداروں کے حکام نے اس کے گھر پر چھاپہ مارا ہے اور ان کے کمپیوٹر سے فائلیں کاپی کر کے لے گئے ہیں۔

برطانیہ نے تردید کی ہے کہ اس کی خفیہ ادرارے کے کسی اہلکار پال بگلی کے پر چھاپہ مارا ہے۔

حکام کو شبہ ہے کہ پال بگلی کے عراقی اغواکارروں کے ساتھ مبینہ تعلقات کے بارے میں ان سے پوچھ گچھ کر رہے ہیں۔

مسٹر بگلی نے کہا ہے کہ ان کا اغواکاروں کے ساتھ کوئی براہ راست رابطہ نہیں ہے۔ ان کا کہنا ہے کہ عربی ٹی وی چینل الجزیرہ ان کے پیغامات اغواکارروں تک پہنچا رہا ہے۔

اغواکاروں نے کینتھ بگلی کے بدلے عراقی جیلوں سے چند عراقی عورتوں کی رہائی کا مطالبہ کیا ہے۔ تاہم برطانوی حکام نے کہا ہے کہ وہ ان شدت پسندوں کے ساتھ ہر گز کوئی سودا بازی نہیں کریں گے۔