Friday, 24 September, 2004, 17:46 GMT 22:46 PST

عراق انتخابات: رمزفیلڈ پر تنقید

عراق میں انتخابات کرانے کے لیے اقوام متحدہ کی ٹیم کےسربراہ کارلوس ویلنزویلا نے امریکی وزیر دفاع ڈونلڈ رمزفیلڈ کے اس بیان پر تنقید کی ہے جس میں انہوں نے کہا تھا کہ عراق میں انتخابات محدود پیمانے پر ہوں گے۔

انہوں نے کہا کہ انتخاب کے لیے نظام الاوقات سخت ہے اور ان انتخابات کو منعقد کرانے مشکل ہو گا لیکن ناممکن نہیں ہے ۔ انہوں نے کہا ان کواگر یہ یقین نہ ہوتا کہ وہ اس عرصے میں انتخابات کرا پائیں گے تو وہ کبھی اس کام کے لیے عراق نہ آتے۔

کارلوس ویلنزویلا نے بی بی سی کو بتایا کہ اس طرح کی غیر ضروری قیاس آرائیاں سے عراق میں جہموریت کو کوئی فائدہ نہیں پحنچ سکتا۔ انہوں نے کہا ایسے بیانات سے لوگوں میں انتخابات کے بارے شکوک بڑھیں گے۔

امریکی وزیر دفاع ڈونلڈ رمز فیلڈ نے کہا تھا کہ عراق میں جاری تشدد کی وجہ سے پورے عراق میں انتخابات کرانا ممکن نہیں ہوں گے۔

امریکی سینیٹ کی ایک کمیٹی میں بیان دیتے انہوں نے کہا تھا کہ عراق میں جزوی انتخابات کرائےجائیں گے۔