Wednesday, 18 August, 2004, 14:12 GMT 19:12 PST

دہشت گردی: فرد جرم عائد

برطانیہ میں آٹھ افراد کو قتل اور دہشت گردی کے جرائم کے تحت فرد جرم عائد کیے جانے کے بعد حراست میں بھیج دیا گیا ہے۔

ان افراد پر ریڈیائی اور زہریلی گیس، کیمیائی ہتھیار اور دھماکہ خیز مادوں کا استعمال کرکے حملہ کرنے کی منصوبہ بندی کا الزام ہے۔

انہیں تین اگست کو گرفتار کیا گیا تھا۔

مسجٹریٹ کی عدالت میں پیش کیے جانے والے ان افراد کی عمر بیس سے بتیس سال کے درمیان ہے۔ یہ افراد اگلے ہفتے پھر سے عدالت میں حاضر ہونگے۔

آٹھوں افراد پر ’دوسرے لوگوں کے ساتھ مل جل کر‘ منصوبہ بندی کرنے کا الزام ہے۔

ایک شخص پر یہ بھی الزام ہے کہ اس کے پاس نیویارک کے سٹاک ایکسچنج اور امریکہ کے دیگر مالیاتی اداروں کا تجزیاتی پلان تھا جس کا استعمال حملے کرنے کے لئے کیا جاسکتا ہے۔