Saturday, 07 August, 2004, 08:38 GMT 13:38 PST

طالبان کا حملہ دو افراد ہلاک

افغان حکام کے مطابق ملک کے جنوبی علاقے میں طالبان کے ایک حملے میں دو انتخابی کارکنوں ہلاک ہو گئے ہیں۔

تفصیلات کے مطابق جنوبی افغانستان کے صوبے ارزگان میں اکتوبر میں ہونے والے صدارتی انتخابات کے لیے انتخابی عملہ لوگوں کا اندارج کرنے میں مصروف تھا کہ اس پر طالبان نے حملہ کر دیا۔

صوبائی گورنر نے بتایا کہ انتخابی قافلے پر فائرنگ کی گئی اور دستی بم بھی مارئے گئے۔

طالبان کے ذرائع نے اس حملے کی ذمہ داری قبول کی ہے اور انہوں نے انتخابات کو درم بھرم کرنے کا عزم کر رکھا ہے۔