Saturday, 19 June, 2004, 17:02 GMT 22:02 PST

کشمیر میں پانچ ہلاک

بھارت کی وزارت دفاع کے افسران کا کہنا ہے کہ بھارتی فوج نے پانچ افراد کو اس وقت ہلاک کر دیا جب وہ لائن آف کنٹرول پر بھارت کے زیر انتظام کشمیر میں داخل ہو رہے تھے۔

انہوں نے کہا کہ ان میں سے دو افراد کو جمعہ کو اس وقت ہلاک کیا گیا جب بھارتی فوجیوں نے دراندازوں کے ایک گروہ کو ماچل سیکٹر میں روکا۔ دوسرے تین ہفتے کو اس وقت ہلاک ہوئے جب بھارتی فوج نے پہلے سے ہلاک شدہ افراد کی لاشیں اٹھانا چاہیں۔

ان کارروائیوں میں بھارتی فوج کو کوئی نقصان اٹھانا نہیں پڑا۔

بھارت ایک عرصہ سے پاکستان پر الزام لگاتا آیا ہے کہ وہ انتہا پسندوں کی پشت پناہی کر رہا ہے جو بھارت کے زیر انتظام کشمیر میں دہشت گردی کی کارروائیاں کرتے ہیں۔