Friday, 11 June, 2004, 17:37 GMT 22:37 PST

سابق صدر ریگن کی آخری رسومات

واشنگٹن کے نیشنل کتھیڈرل میں امریکہ کے سابق آنجہانی صدر رونلڈ ریگن کی آخری رسومات ادا کی جا رہی ہیں۔

ان کی آخری رسومات میں امریکہ اور دنیا کے دوسرے ممالک کے رہنماؤں نے شرکت کی جن میں برطانیہ کی سابق وزیرِ اعظم مارگریٹ تھیچر بھی شامل ہیں۔

کتھیڈرل جس میں رسومات ادا کی گئیں

مارگریٹ تھیچر نے رونلڈ ریگن کو خراجِ تحسین پیش کرتے ہوئے کہا کہ ’ہم ایک عظیم صدر سے محروم ہو گئے ہیں‘۔

صدر بش نے کہا کہ ریگن امریکہ کے لیے استقامت کی ایک مثال تھے۔

واشنگٹن میں کسی ممکنہ دہشت گرد حملے کے خطرے کے پیشِ نظر سیکیورٹی بہت سخت کر دی گئی ہے۔

پولیس کی چھٹیاں منسوخ کر دی گئیں ہیں اور کتھیڈرل کے اردگرد اور فضا میں آمدورفت پر کڑی سختی کر دی گئی ہے۔

آخری رسومات میں چار صابق امریکی صدور جارج بش سینیئر، بل کلنٹن، جمی کارٹر اور جیرالڈ فورڈ شرکت کر رہے ہیں۔

ان کے علاوں عالمی رہنماؤں میں میخائل گورباچوف، برطانیہ کے وزیرِ اعظم ٹونی بلیئر، جرمنی کے رہنما چانسلر گیرہارڈ شیرؤڈر، جنوبی افریقہ کے صدر تھابو مبیکی، اور افغانستان کے صدر حامد کرزئی شامل ہیں۔ واشنگٹن میں ہونے والی آخری رسومات پورے فوجی اعزاز سے ادا کی جا رہی ہیں جبکہ پوری دنیا میں امریکی اڈوں پر توپیں آنجہانی صدر کو خراجِ تحسین پیش کریں گی۔