Monday, 24 May, 2004, 23:26 GMT 04:26 PST

ابوغریب کو مسمار کرنے کا منصوبہ

وائٹ ہاؤس سے آنے والی اطلاعات کے مطابق امریکہ عراق میں موجود بدنام جیل اب غریب کو مسمار کرنے کا منصوبہ بنا رہا ہے۔

ابو غریب جیل کو حال ہی میں عراقی قیدیوں کے ساتھ امریکی فوجیوں کی بدسلوکی کی وجہ سے شہرت ملی تھی۔ اس جیل میں صدام حسین کے دور میں بھی قیدیوں پر بڑے مظالم ڈھائے جاتے تھے۔

جیل کو گرانے کے منصوبے پر عمل در آمد تیس جون کو اقتدار کی منقلی کے بعد آنے والی نگران عراقی حکومت سے صلح مشورے کے بعد ہو گا۔

حال ہی میں امریکی وزیر دفاع رمزفیلڈ نے عراقی قیدیوں پر ٹارچر کے لئے ابوغریب جیل کا دورہ کیا تھا۔

ابوغریب جیل میں تعینات امریکی فوجیوں سے خطاب کرتے ہوئے مسٹر رمزفیلڈ نے کہا کہ (قیدیوں سے بدسلوکی) کے بارے میں انکشافات سے امریکی ساکھ کو سخت دھچکا پہنچا ہے۔