Saturday, 22 May, 2004, 13:33 GMT 18:33 PST

اوپیک فیصلہ نہیں کر سکا

تیل پیدا کرنے والے ملکوں کی تنظیم اوپیک کا اجلاس ہفتے کو ایمسٹرڈیم میں تیل کی پیدوار بڑھانے کی تجویز پر اتفاقِ رائے کے بغیر ختم ہو گیا۔

سعودی عرب نے بین الاقوامی منڈی میں تیل کی بڑھتی ہوئی قیمتوں کے پیش نظر تیل کی پیدوار بڑھانےکی تجویز پیش کی تھی جس پر اجلاس میں اتفاق رائے نہ ہو سکا۔

سعودی عرب نے کہا تھا کہ تیل کی پیدوار کم از کم دو ملین بیرل یومیہ بڑھا دی جائے۔

تیل پیدا کرنے والے ملکوں کے وزراء جنہوں نے اس اجلاس میں شرکت کی کہا کہ پیداوار بڑھانے کا فیصلہ اوپیک کےسربراہ اجلاس میں ہی ہو سکتا ہے جو کہ اگلے ماہ ککی تین تارئخ کو بیروت میں ہو رہا ہے۔